E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Deputeti Spahia: Konkurset e spitaleve një farsë, emërimet janë politike

21 Nëntor 2017, 19:40, Aktualitet CNA

Deputeti i Partisë Demokratike, Bardh Spahia, ka reaguar pas emërimit të 12 drejtuesve të rinj të spitaleve të vendit.

Me anë të një postimi në rrjetet sociale, Spahia shprehet se konkursi për drejtuesit e spitaleve në sistemin shëndetësor është një farsë.

Sipas tij emërimet janë politike të bëra nga eksponentë të Partisë Socialiste, apo njerëz të lidhur me pushtetin.

Në postimin e tij, komenton emërimin e 9 drejtuesve të spitaleve, me në krye drejtorin e QSUT-së Enkelejd Joti.

“1. Premtimin e Edi Ramës se drejtuesit e rinj të spitaleve do të ishin profesionistë të zgjedhur me konkurs, e përgënjeshtron fakti se Enkelejdi Joti është rikonfirmuar në krye të Qendrës Spitalore Universitare Nënë Tereza. Ish Drejtori i Përgjithshëm i Top Channel njihet për vënien në shërbim të Edi Ramës të televizionit kombëtar.

2. Në Spitalin e Sanatoriumit është rikonfirmuar një emërim tjëtër i Edi Ramës, Perlat Kapisyzi, bashkëshort i zëvendësministres Mira Rakacolli, këshilltar Ps në minibashkinë 2 gjatë periudhës 2004-2008.

3. Në spitalin e Shkodrës është emëruar një përson tjetër politik, kandidati për deputet i PS në Shkodër, Vilson Masmalaj.

4. Në drejtim të spitalit të Beratit është emëruar, ish deputeti i PS, Eduard Bejko.

5. Në Spitalin e Durrësit është ëmruar me urdhër politik dhe jo me konkurs, kryetari i Këshillit Bashkiak, PS, Alban Ramohitaj.

6. Në spitalin e Dibrës është shpërblyër me vendim politik i akuzuari për blerje votash, eskponent i PS në Dibër, Spartak Koltraka.

7. Në Spitalin e Traumës është emëruar me, Arben Zenelaj, i njohur për lidhjet me PS.

8. Në Maternitetin e Tiranës është emëruar më urdhër politik një tjetër aktiviste e PS, Eliona Demaliaj.

9. Në spitalin e Tropojës është emëruar anëtari i kryesisë së PS Kukës, Ismet Nika.”, – shkruan Spahia.

Sipas deputetit demokrat emërime të tilla politike nuk i shërbejnë qytetarëve, por partisë në pushtet dhe janë një provë sesi Edi Rama mashtron publikisht qytetarët. /CityNews