E fundit!

12:34 Aktualitet

Dita e Ashures/ Mesazhi i Baba Mondit: Lutjet tona shkojnë për ata që vuajnë nga luftërat

Besimtarët bektashinj kanë kremtuar sot Ditën e Ashures, n...

Kryetari Sakja përuron sallë leximi/ Lai Eri gjobit shurraxhinjtë

19 Nëntor 2017, 19:13, Aktualitet CNA

Kryebashkiaku Sakja i Kavajës e shndërroi muajin tetor në muaj për ringjalljen e bibliotekës së qytetit. Gjatë tetorit u realizua ndërtimi i sallës së re të leximit në bibliotekën e Kavajës. Kryebashkiaku Sakja shfrytëzoi ceremoninë e përurimit të kësaj salle për t?i bërë thirrje kavajasve të dhurojnë libra për bibliotekën e qytetit të tyre.

Fillimi i mbarë gjysma e punës

Të fillosh kthimin në normalitet të një bashkije me 110 000 banorë nga librat dhe biblioteka është me të vërtet një fillim sa i mbarë aq edhe simbolik. Nuk duhet harruar se Kavaja ka pasur edhe administratorë lokalë, që e ulën dinjitetin e bashkisë deri te fustani i pastrueses së bashkisë. Fatkeqësisht ?melhemi? Roshi për të kurua sëmundjen e nëpërkëmbjes së dinjitetit të Bashkisë Kavajë rezultoi më i keq se vetë sëmundja. Ish kryebashkiaku Rugeja, që e coi këtë dinjitet te niveli i pastrueses u zëvendësua me një njeri, i cili sipas dokumenteve të gjykatave italiane, që adoleshent e kishte pasur hobi përdhunimin e femrave në grup. Në rini e në vazhdim pati si hobi të ri tregtimin e tranzitimin me shumicë të miellit ?të kuq e të bardhë?. Si kryebashkiak përvec punës së lavdërueshme për rilindjen e fasadave dhe të sheshit qëndror të Kavajës, për mbjelljen e palmave, filloi të ketë të tjera hobe si psh vjedhjen e tokave në Spille, vjedhjen e fondeve në rregullim sistemi përroji etj. Me një fjalë një pastruese bashkije u zëvendësua me një ?Griseldë? të Rilindjes.

Le të shpresojmë, që kryebashkiaku Sakja, i cili e filloi mandatin me libra e bibliotekë, të mos tërhiqet nga këngët e ?sirenave? korruptive të pushtetit dhe të bëjë dicka për së mbari për Kavajën, qytetin me kontribute speciale për rrëzimin e diktaturës dhe hapjen rrugë për demokracinë në Shqipëri.

Kur Sakja i Kavajës merrej me libra, Lali Eri i Tirnaës nga studio e televizionit të njohur Ora News merrej me kërcënimet për të gjobitur cdo shurraxhi në Tiranë. Me kompetëncë të lartë profesionale Lali Eri u shpjegonte teleshikuesve të këtij stacioni televiziv me hollësi sa është shuma e gjobitjes për cdo urinim në publik. Pse ia vlen më mirë të harxhosh 70 lekë për të pirë një kafe e të kryesh punë në tualetin e lokalit sesa të pagush 70 fishin e vlerës së kafes si gjobë, citojmë Lali Erin: ?për bërje cici në ambjentet publike në territorin e Bashkisë së Tiranës?. Mungesën thuajse totale të WC-ve fikse apo të lëvishme në Bashkinë e Tiranës kryebashkiaku Veliaj, ndonëse specialist për gjobitjen e shurraxhinjve, cuditërisht e kaloi fare tangent.

Duke krahasuar këta dy kryebashkiakë arrijmë të kuptojmë se e djathta në Shqipëri është e prapambetur dhe konservatore, përderisa në epokën digjitale ende e ka mendjen në salla leximi për libra në print d.m.th. në letër. E majta shqiptare e përfaqësuar denjësisht nga Lali Eri shpalos vizionin e saj tipik për shek.XXI duke treguar vendosmëri dhe ekzigjencë ekstreme në mbrojtje të ambientit, me anë të gjobitjes pa mëshirë të shurraxhinjve Tiranas.

Në shkrimin tonë përdorëm fjalën shurraxhi, pavarësisht prapashtesës me origjinë turke jo në kuptim pexhorativ (përkeqësonjës), por si një eufezmizëm të vërtetë duke marrë si kriter fjalorin që përdori kryeministri Edvin në sallën e parlamentit. Në fjalorin e kryeministrit në seancën parlamentare dominonin fjalët në greqisht si psh. Qirje Luzim, Qirje Berisha apo palikari Dule, fjalë këto, që e eklipsojnë plotësisht prapashtesën xhi me origjinë turke në fjalën shurraxhinj të përdorur në shkrimin tonë. Fundi fundi mbetet për tu parë se cila alternativë do u pëlqejë më shumë shqiptarëve ajo e sallave të leximit të kryebashkiakut Sakja të Kavajës, apo ajo e gjobitjes së shurraxhinjve të aplikuar me fanatizëm nga policia bashkiake e Lali Erit të Tiranës!

GJERGJ THANASI