E fundit!

08:35 Kronika

Sherr masiv në Sarandë, 6 persona shoqërohen në polici

Një sherr masiv është regjistruar mbrëmjen e së premtes në...

Exit Poll në Kosovë/ Ja kush fiton në balotazh

19 Nëntor 2017, 18:39, Aktualitet CNA

Televizioni Klan Kosova, ka publikuar rezultatet e Exit Polleve sipas komunave, në Kosovë, për raundin e dytë të votimeve.

Kandidati VV-së, Shpend Ahmeti, do të qeverisë me kryeqytetin edhe për katër vitet e ardhshme, kështu duke marrë edhe një mandat të dytë, kjo sipas të dhënave nga EXIT POLL i realizuar nga Klan Kosova.

Këto të dhëna tregojnë që Shpend Ahmeti ia ka dalë të marrë 52.2% të votave kështu duke lënë pas kundërkandidatin e tij nga LDK-ja, Arban Abrashi, i cili ka mbledhur 47.8% të votave.

EXIT POLL i Klan Kosovës i cili realizohet nga Shkëlzen Maliqi dhe ekipi i tij, ka mbledhur dhe analizuar të dhënat në 11 komuna nga 19 gjithsej sa kanë shkuar në balotazh, njofton Klan Kosova.

Agim Aliu, kandidati i Partisë Demokratike të Kosovës, ka fituar në Ferizaj, njofton Klan Kosova.

Kështu bën të ditur EXIT POLL-i i Klan Kosovës.

Sipas këtyre rezultateve preliminare, Agim Aliu ka marrë 53.2 përqind, ndërsa Muharrem Svarqa i Lidhjes Demokratike të Kosovës ka marrë 46.8 përqind.

Sipas Exit Poll-it të Klan Kosovës, komunën e Prizrenit e ka fituar kandidati për kryetar nga radhët e PDK-së, Shaqir Totaj.

Sipas EXIT POLL-it të Klan Kosovës, Xhafer Tahiri nga Lidhja Demokratike e Kosovës do të qeverisë me komunën e Vushtrrisë gjatë katër viteve të ardhshme.

Tahiri ka dalë fitues në Vushtrri me 60.7% duke lënë pas Ferit Idrizin nga PDK me 39.3% të votave, njofton Klan Kosova.

Lutfi Haziri nga Lidhja Demokratike e Kosovës do të qeveris edhe një mandat tjetër si Kryetar i komunës së Gjilanit.

Kjo sipas rezultateve ekskluzive të Exit Poll të Klan Kosova.

Lutfi Haziri nga LDK, ka mposhtur Sami Kurteshin nga Lëvizja Vetëvendosje, me 65.8% të votave.

Sami Kurteshi sipas rezultateve, ka arritur të fitojë 34.2% të votave në këtë komunë, njofton Klan Kosova.

Sipas Exit Poll-it të Klan Kosovës, në komunën e Istogut, gjatë katër viteve të ardhshme do të qeverisë Haki Rugova nga Lidhja Demokratike e Kosovës, njofton Klan Kosova.

Me 55.0%, Rugova, ka lënë pas kundër-kandidatin e tij nga Aleanca për Ardhmërinë e Kosovës, Gani Dreshaj me 45.0%.

Kandidati i AAK-së për Gjakovë, Ardian Gjini ka fituar këtë komunë me 58.0% , thuhet sipas sondazhit të Exit POll-it të Klan Kosovës.

Ai ka mundur Mimoza Kusari-Lilën nga Alternativa e cila ka marrë 42.0% të votave.

Smajl Latifi nga Aleanca për Ardhmërinë e Kosovës, është duke i prirë garës për të parin e Komunës së Rahovecit.

Kështu raportohet nga Exit Poll i Klan Kosovës, megjithatë këto shifra pritet të ndryshojnë pasi kjo komunë po përballet me një rezultat të ngushtë në mes dy subjekteve partiake garuese për Rahovecin.

Latifi nga PDK, po prin deri tani me 50.8% të votave.

Ndërsa Vehapi nga Vetëvendosje, ka arritur të ketë deri tani vetëm 49.2% të votave, njofton Klan Kosova.