web counter
LEXO PA REKLAMA!

SHKARKO APP

App Store
Google Play

E fundit!

x

Gjendet bombë 70 kg e pashpërthyer nga Lufta e Dytë Botërore

19 Nëntor 2017, 17:52, Aktualitet CNA

Një bombë shpërthyese aviacioni e Luftës së Dytë Botërore, është gjetur ditën e sotme në fshatin Piqeras të Himarës.

Sipas njoftimit të policisë, thuhet se bomba është gjetur në një zonë të pabanuar dhe pas gjetjes së saj, policia ka bërë shpërthim të kontrolluar.

Bomba ishte 1.2 metra e gjatë dhe peshonte rreth 70 kilogramë, 30 kg prej të cilave ishin lëndë shpërthyese.

Postimi i policisë:

Piqeras,Himarë

Policia njofton lidhur me municionin luftarak (bombë aviacioni shpërthyese), të gjetur në fshatin Piqeras.

Kryhet shpërthimi i kontrolluar dhe pa probleme i municionit luftatak.

Strukturat e Komisariatit të Policisë Himarë menjëherë pasi kanë marrë njoftimin se në fshatin Piqeras (jo në zonë të banuar), por pranë një rruge në një sipërfaqe toke me ullinj është konstatuar municion luftarak (bombë aviacioni), kanë shkuar e kanë marrë masat e nevojshme lidhur me perimetrin e sigurisë dhe atë të mbrojtjes.

U njoftua Prefektura, Shtabi i Përgjithshëm i Ministrisë së Mbrojtjes , Qëndra e Emergjencave, Specialistët e Repartit të Xhenios të cilët kanë bërë të mundur shpërthimin e kontrolluar dhe pa probleme të municionit luftarak (bombë aviacioni shpërthyese e Luftës së 2 Botërore, me përmasat : 1.20 metër e gjatë me peshë totale 70 kg, ku 30 kg është sasia e eksplozivit).

Policia Falenderon shtetasin i cili menjëherë sapo konstatoi këtë municion luftarak, njoftoi Strukturat Policore për të vijuar me veprimet e mëtejshme. /CityNews





Lajmet e fundit nga