web counter
LEXO PA REKLAMA!

SHKARKO APP

App Store
Google Play

E fundit!

x

Sylvester Stallone mohon akuzat e abuzimit seksual ndaj 16 vjeçares

18 Nëntor 2017, 01:30, Aktualitet CNA

Sylvester Stallone ka mohuar pretendimet e bëra nga një vajzë 16-vjeçare, e cila pretendoi se aktori dhe truproja e tij e sulmuan atë seksualisht në vitin 1986.

“Kjo është një histori qesharake, kategorikisht e rreme”, tha Michelle Bega, zëdhënëse për aktorin, në një deklaratë për E!News. “Askush nuk ishte në dijeni të kësaj historie deri sa u botua sot, duke përfshirë edhe z. Stallone. Në asnjë moment, z. Stallone asnjëherë nuk u kontaktua nga asnjë autoritet apo ndonjë tjetër për këtë çështje”.

Historia, e botuar së pari të enjten në mëngjes në DailyMail.com, përmbante një kopje të redaktuar të një raporti të policisë së Las Vegas të vitit 1986 me titull “sulm i mundshëm seksual”.

Sipas njoftimit të lajmit, një adoleshente e paidentifikuar i shpalli autoriteteve se ajo ishte detyruar të kryente marrëdhënie me Sylvester dhe truprojen e tij në hotelin e Las Vegas Hilton një mbrëmje.

16-vjeçarja gjithashtu thuhet se ka pohuar në një raport të policisë se çifti e ka detyruar atë të kryejë seks oral. Sylvester pohon në një deklaratë se “kjo gjë nuk ka ndodhur kurrë kurrë.”

Sa për pse viktima e dyshuar nuk ka ndjekur akuzat, ajo pohon në raportin e policisë të marrë nga DailyMail.com se kjo është për shkak se ajo ndihej e “poshtëruar dhe e turpëruar”, si dhe “e frikësuar”.

Në kohën e incidentit, Sylvester ishte 40 vjeç dhe filmonte Over the Top. Sa i përket truprojes së dyshuar, ai u vra gjatë një ndalese të trafikut policor në vitin 2013./CityNews





Lajmet e fundit nga