web counter
LEXO PA REKLAMA!

SHKARKO APP

App Store
Google Play

Foto/ Ja si do të duket qyteti i parë lundrues në Oqeanin në Paqësor në 2020

18 Nëntor 2017, 00:45, Aktualitet CNA

Koncepti i qyteteve lundruese mund të tingëllojë si diçka nga një roman fantashkencë, por mund të bëhet realitet deri në vitin 2020.

Instituti Seasteading, një organizatë jofitimprurëse e bazuar në San Francisko, është duke zhvilluar këtë ide që nga themelimi i organizatës në vitin 2008 dhe ka arritur një marrëveshje me qeverinë e Polinezisë franceze për të filluar testimin në ujërat e saj.

“Ne mund të krijojmë një larmi të madhe qeverish për një larmi të madhe njerëzish”, tha Joe Quirk, president i Institutit Seasteading për New York Times.

Komuniteti në fjalë do të përbëhet nga rreth një duzinë e strukturave, duke përfshirë shtëpitë, hotelet, zyrat dhe restorantet. Inxhinierët dhe arkitektët kanë vizituar tashmë një lokacion të panjohur ku mendohet të nisë projekti.

Qëllimi kryesor i kësaj ideje është “çlirimi i njerëzimit nga politikanët” dhe “rishkrimi i rregullave që qeverisin shoqërinë”.

Quirk pretendoi se ndërtimi i këtij qyteti utopik do të kushtojë rreth 167 milionë dollarë. Instituti Seasteading tashmë ka marrë fonde nga fondacioni PayPal Peter Thiel, megjithatë për fazën tjetër të projektit, instituti shpreson të mbajë një “ofertë fillestare të monedhës”, një fushatë crowdfunding e cila ngre para duke krijuar dhe shitur monedhën virtuale./CityNews

 





Lajmet e fundit nga