E fundit!

08:01 Kosova & Bota

Çfarë është stresi ekstrem i nxehtësisë?/ Brenda fenomenit vdekjeprurës që po përhapet në të gjithë Evropën

Sipas një studimi të ri të madh, disa pjesë të Evropës po ...

Kosovë/ 21 vjet burg për katër aktivistë të Vetëvendosjes

18 Nëntor 2017, 21:01, Aktualitet CNA

Katër aktivistët e Vetëvendosjes akuzohen për sulm me mortajë dore ndaj ndërtesës së kuvendit të Kosovës.

Gjykata Themelore në Prishtinë shpalli fajtorë Frashër Krasniqin, deputet i Vetëvendosjes, Atdhe Arifin, Adea Batushën dhe Egzon Halitin. Ata u dënuan gjithsej me 21 vjet heqje lirie. Deputetit Frashër Krasniqi, iu shqiptua dënimi me tetë vjet heqje lirie, Atdhe Arifit me gjashtë vjet, Egzon Halitit me pesë vjet e gjashtë muaj, ndërsa Adea Batusha u dënuar me dy vjet burgim. Tomë Gashi, avokat i deputetit Frashër Krasniqi, shqiptimin e dënimit të sotëm nga Gjykata Themelore në Prishtinë e cilësoi si “një masakër të drejtësisë?. Sipas tij, prokuroria nuk ka sjellë prova që arrijnë ta dëshmojnë “fajësinë? e të akuzuarve. Vendimi i Gjykatës Themelore të Prishtinës sipas avokatit Gashi do të apelohet.

Sulmi me mortajë dore mbi ndërtesën e Kuvendit të Kosovës ka ndodhur sipas policisë më katër gusht të vitit 2016, pak kohë pasi Qeveria e Kosovës e dërgoi në Kuvend marrëveshjen për ratifikimin e demarkacionit me Malin e Zi. Në atë kohë, deputetët e Kuvendit të Kosovës me anë të një deklarate politike e patën dënuar sulmin mbi ndërtesën e Kuvendit të Kosovës në një deklaratë ku thuehej: “Ky është një sulm kundër shtetit të Kosovës, interesave të qytetarëve tanë dhe kundër qëllimeve dhe vlerave politike dhe demokratike që afirmojnë subjektet tona politike.?

Në dhjetor 2016 Prokuroria Speciale e Kosovës i akuzoi katër aktivistët e Vetëvendosjes “që janë përfshirë në veprim në një grup të organizuar, që për qëllim kishin frikësimin e popullsisë dhe shkaktimin e ndjenjës se pasigurisë për qytetarët dhe institucionet e Kosovës?.

I akuzuar për këtë rast ishte edhe një aktivist tjetër i Vetëvendosjes Astrit Dehari, i cili vdiq në nëntor të vitit të shkuar në një Qendër Paraburgimi në Prizren. Sipas një ekspertize të prokurorisë, “Astrit Dehari kishte bërë vetëvrasje?, ndërsa lëvizja Vetëvendosje rastin e Astrit Deharit vazhdon ta cilësojë si “vrasje?.