E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Vjen denoncimi i parë nga platforma e bashkëqeverisjes/ Reagon ministri

17 Nëntor 2017, 17:48, Aktualitet CNA

Nisur nga denoncimi qytetar mbi veprimtarinë e Drejtorisë së Autoritetit Kombëtar të Ushqimit, në Qarkun Fier, Niko Peleshi ka urdhëruar Drejtorin e Përgjithshëm të AKU të bëjë verifikimet dhe ndërhyrjet e nevojshme.

Në një komunikatë për shtyp, ministri i Bujqësisë Niko Peleshi, i ka bërë thirrje bizneseve dhe qytetarëve të denoncojnë rastet e abuzimit me sigurinë ushqimore.

?Inkurajoj të gjithë qytetarët dhe bizneset të denoncojnë çdo rast të cënimit të sigurisë ushqimore. Siguria ushqimore nuk është thjesht një prioritet, por është një domosdoshmëri. Ajo nuk ka të bëjë me një qasje politike, nuk ka të bëjë me një qëndrim politik të një partie apo të një partie tjetër, nuk ka të bëjë me dy alternativa të ndryshme politike, siguria ushqimore është një për të gjithë, ka lidhje me jetën , ka lidhje me shëndetin ka lidhje mbi të gjitha edhe me të ardhmen, me shëndetin e fëmijëve por dhe të konsumatorëve shqiptarë?, deklaroi Niko Peleshi.

Më tej ministri i Bujqësisë i bëri apel çdo force politike që të mbështesë qëllimet e qeverisë dhe të bëjnë një pak kombëtar bipartizan e jo politik.

?Do të apeloja, të gjitha forcat politike që në qoftë se deri më sot nuk e kanë gjetur dot forcën ti bashkohen reformave apo programeve tona qeverisëse, të paktën në çështjet e sigurisë ushqimore duhet të bëjmë një pakt kombëtar bipartizan, jo politik dhe të mos cënojmë, të mos ndalojmë, një aktivitet, një reformë e cila me shpejtësi po jep rezultate të qënësishme?

Në përfundim Peleshi ka pohuar se është i vendosur që integritetin dhe prestigjin e inspektorëve ta ngrejë lart e më lartë, por duke theksuar se për inspektorët abuzues do të merren masa ndëshkimi.

?Kjo reformë ka nevojë për inspektorë të AKU dhe gjithë institucioneve të tjera etikë me integritet dhe që ushtrojnë aktivitet në zbatim të ligjin. Cdo kontroll që do të konstatoj, mbas denoncimit qytetar apo veprimtarisë të AKU, do të konstatoj inspektorë, apo aq më keq, përgjegjës dhe drejtues, që si në rastin e Fierit abuzojnë me ligjin dhe detyrën, duke kontrolluar apo duke ushtruar një aktivitet i cili del nga korniza ligjore do të ndëshkohet me forcën e ligjit?. /CityNews