web counter
LEXO PA REKLAMA!

SHKARKO APP

App Store
Google Play

Dështon analiza e Bashës/ Në bastione shkojnë vetëm një grusht njerëzish

17 Nëntor 2017, 16:22, Aktualitet CNA

Partia Demokratike, vijon analizën në qarqe të ndryshme të vendit pas humbjes së thellë në 25 qershor. Një analizë të tillë po bën edhe Partia Demokratike Dega Pojan, analizë që po bëhet nga deputeti i PD-së, Ervin Salianji dhe një grusht militantësh.

Grupseksioni Pojan, një nga bastionet e PD-së në Korçë, me rreth 13 mijë votues, është katranosur nga Lulzim Basha dhe Ervin Salianji, në atë far mënyre, sa në analizën për humbjen e zgjedhjeve marrin pjesë një grusht njerëzish.

E rrudhur dhe në minimum historik prej një kandidati të dështuar, Pojani është një bastion i PD që Lulzim Basha dhe Salianji e çuan në rrënim të plotë, kjo për shkak të përçarjes dhe sektarizmit por jo vetëm.

Pojani një nga zonat ku PD ka fituar edhe 70 % tani ka ngelur me disa militantë pasi shumica e tyre janë përjashtuar dhe dëbuar nga manipulimet zgjedhorë por edhe përçarja dhe dëbimet e deputetit të zonës Ervin Salianji.

Shkatërrimi i degës filloi me zgjedhjet dhe pseudo analizën pas vitit 2015, por edhe me ndarjen e degës.Pojani nga qendra e degës u la periferik duke i dhënë peshë Maliqit që ka gjysmën e numrit të votuesve. PD braktisi një bastion për Maliqin qe në fakt duhej ndarë në një degë tjetër.

Rezultatet e zgjedhjeve parlamentare flasin vetë, në Pojan PD humbi në mënyrë katastrofike në bastionin e saj, nga kandidati Ervin Salianji, në një zonë ku nuk kishte as drogë dhe as banda. PD humbi, dështoi dhe atë që e çoi në humbje dhe shkaktarin e katastrofës e çon edhe për analizë.

Pasojat i ndjejnë demokratët dhe banorët e zonës që sot janë të braktisur jo vetëm nga qeveria por edhe nga opozita e paaftë dhe e dështuar. /CityNews





Lajmet e fundit nga