web counter
LEXO PA REKLAMA!

SHKARKO APP

App Store
Google Play

E fundit!

x

Del shkresa e KQZ / Përfaqësuesi i PS përjashtoi Kapllanajn nga dekriminalizimi

15 Nëntor 2017, 17:27, Aktualitet CNA

Komisioni Qendror i zgjedhjeve është përfshirë në një debat të fortë, për shkak të kryebashkiakut të PD-së për Mallakastrën Agron Kapllanajn, pasi sipas përfaqësuesve të Partisë Socialiste në KQZ, atij i duhet hequr mandati për shkak të ligjit të dekriminalizimit.

Një ndër personat përkrahës të këtij mendimi në debatin e sotëm në KQZ ishte edhe ish-kreu i këtij institucioni Denar Biba, tashmë në postin e nënkryetarit.

Por sot është zbuluar letra që Denar Biba, pavarësisht se kërkon shkarkimin e Kapllanajt nga posti që mban, vetë Biba me një letër drejtuar Kryeprokurorit Adriatik Llalla, për personat që preken nga dekriminalizimi, emrin e Agron Kapllanajt e ka futur në listën e personave që nuk janë në kushtet e ndalimit të ushtrimit të funksionit.

Kjo shkresë mban datën 21 shkurt 2017. Dy ditë para dërgimit të kësaj shkrese tek Kryeprokurori Llalla, KQZ doli në një deklaratë për mediat ku sqaroi se ishin 18 funksionar të lartë që rezultojnë të dënuar, dhe që e kanë vetëdeklaruar në formularin e dekriminalizimit, por, ata nuk ishin në kushtet e penalizimit. Një ndër ta është edhe Agron Kapplanaj, kryetar i Bashkisë Mallakastër.

Prokuroria e Përgjithshme në përgjigje të KQZ-së, shkruan se, Kapllanaj ishte rehabilituar në vitin 2016, dhe për këtë arsye nuk duhej t?i hiqej mandate. Ndërsa për Denar Bibën, Kapllanajt i duhej hequr mandati që në vitin 2016.

Pavarësisht këtij qëndrimi që mban sot Denar Biba, ai një ditë pas përgjigjes së Prokurorisë së Përgjithshme, do thoshte se: ?? KQZ- ka konstatuar me bindje të plotë se dhënat e deklaruara të funksionarëve publik, sipas deklaratës për shtyp të datës 19.02.2017, nuk përfshihen Brenda sferës së ndalimeve të parashikuara nga neni 2 i ligjit 138/2015. Në vlerësim të KQZ të dhënat e disponuara nuk përbënin shkak për verifikim të thelluar nga Prokuroria e Përgjithshme?. /CityNews

/Panorama.com





Lajmet e fundit nga