web counter
LEXO PA REKLAMA!

SHKARKO APP

App Store
Google Play

Pastrimi i parave, në dorë të FBI-së/ Prokuroria e përjashtuar nga procesi

13 Nëntor 2017, 11:39, Aktualitet CNA

Përfaqësuesit e Byrosë Federale amerikane në vendin tonë FBI do të kenë disa role të rëndësishme në veprimtarinë e tyre të gjashtë muajve të parë.

Dy agjentët,përkatësisht Jack Liao dhe  Mark Newhouse, që tashmë kanë mbërritur në Tiranë, madje dhe kanë nisur veprimtarinë, do të asistojnë policinë që të godasë krimin dhe korrupsionin.

Ajo që bie në sy është se prokuroria ka mbetur jashtë këtij organizimi. Deri sa të ngrihen strukturat e reja Këshilli i Lartë i Prokurorisë dhe Këshilli i Lartë Gjyqësor, ekspertët e FBI-së do të asistojnë në ngritjen e Byrosë Kombëtare të Hetimit dhe të Strukturës së Posaçme Antikorrupsion.

Në një raportim të djeshëm CityNews ka bërë me dije se FBI është angazhuar në mbledhjen e informacioneve për të gjithë krerët e politikës dhe drejtësisë, si në fushën e hetimit financiar ashtu edhe atij pasuror.

Qëllimi është që sapo SPAK të nisë punën të dhënat të jenë gati dhe mbi bazën e tyre të nisë goditja ndaj peshqve politik e jopolitik.

Do të niset me financat dhe pasuritë pasi vetëm ndjekja e burimit të posedimit të tyre të shpie tek inkriminimi, por edhe sepse  pastrimi i parave është fenomen shumë problemor për Shqipërinë.

Referuar raportit të Drejtorisë së Pastrimit të Parave, gazeta ?sot? ka raportuar se vetëm për vitin 2017 janë shënuar 411 raste të dyshimta për pastrim parash, për të cilat DPPPP ka kërkuar ndërhyrjen e prokurorisë dhe të policisë, ndërkohë që rezultojnë më shumë raste të tjera. /CityNews





Lajmet e fundit nga