web counter
LEXO PA REKLAMA!

SHKARKO APP

App Store
Google Play

Grupi “masonik” i LSI monopolizoi tenderat në Hekurudhë

13 Nëntor 2017, 10:32, Aktualitet CNA

Të tjera shkelje të renda janë zbuluar në Drejtorinë e Hekurudhave, të drejtuar për katër vitet e shkuara nga subjekti politik Lëvizja Socialiste për Integrim, përveç zullumit të bërë me punësimet. Ku del të jenë paguar punonjës pa shkuar fare në punë.

Fjala është për tenderat e administruar nga një grup i mbyllur lësëistësh, i cili ka vepruar si një grup ?masonik?.

Faktin e ka raportuar gazeta ?sot?, sipas të cilës  shkelje dhe abuzime të rënda financiare në Hekurudhë janë konstatuar edhe në drejtim të kryerjes së procedurave të tenderëve dhe financimit të tyre.

Duke ju referuar burimeve të veta gazeta ka theksuar se vitin e kaluar në Drejtorinë Qendrore të Hekurudhës u emëruan njerëz të besuar të LSI në Durrës. Ata, së bashku me drejtuesin e infrastrukturës krijuan një grup hermetik dhe të gjithë tenderët e këtij viti u fituan nga firma të cilat bënë kompromis, nga ana e tyre me këtë grup.

Shpallja e firmave fituese është bërë me shumë vonesë. ndërsa financimi i kontratave ka evidentuar shumë probleme, gjë që kërkon angazhimin urgjent të Kontrollit Shtetëror, auditit të Ministrisë dhe strukturave të krimit ekonomik të Policisë së Shtetit.

Marrja në dorëzim e punimeve nga ana e Drejtorisë së Infrastrukturës, ka shumë dyshime jo vetëm në cilësinë, por edhe të vërtetësisë së tyre. Komisionet e marrjes në dorëzim të mallrave të kontraktuara janë ndërruar herë pas here, pasi anëtarët e tyre refuzonin të zbatonin urdhërat abuzues./ CityNews





Lajmet e fundit nga