“Nderi i Kombit”/ Vlerësohen Ansambli Popullor dhe mjeshtri i valles popullore, Besim Zekthi

13 Nëntor 2017, 07:51, Aktualitet CNA

Presidenti i Republikës, Ilir Meta vlerësoi gjatë një ceremonie të zhvilluar në Teatrin Kombëtar, me Dekoratën e lartë ?Nderi i Kombit? me rastin e 60-vjetorit të krijimit Ansamblin Popullor për kontributet e çmuara dhe interpretimet e shkëlqyera në më shumë se gjysmë shekulli, duke pasur një ndikim të jashtëzakonshëm, të ndjeshëm dhe të patjetërsueshëm në zhvillimin artistik e kulturor në mbarë vendin. Për rolin e luajtur si ambasador i kulturës jashtë Shqipërisë, nëpërmjet përcjelljes së vlerave më të qenësishme të folklorit shqiptar e trashëgimisë sonë shpirtërore në të gjithë botën.

Gjithashtu Presidenti i Republikës çmoi me Dekoratën ?Nderi i Kombit? kërcimtarin, dhe mjeshtrin e valles popullore shqiptare zotin Besim Zekthi në vlerësim të kontributit shumëvjeçar si solist me nivel të lartë interpretativ dhe mjeshtëri të veçantë artistike të valleve shqiptare; për pasurimin e fondit të krijimtarisë koreografike dhe përçimin tek brezat e artistëve të rinj, si dhe për promovimin denjësisht të vlerave të mirëfillta të trashëgimisë sonë kulturore jashtë vendit.

Presidenti Meta në fjalën e mbajtur me rastin e kësaj ceremonie u shpreh se Folku shqiptar përbën një pasuri të jashtëzakonshme të kombit tonë.

Gjithashtu Meta tha se ?Ai është dalluar gjithmonë edhe jashtë kufijve të Shqipërisë për origjinalitetin, lashtësinë dhe shumëllojshmërinë e gjinive artistike të tij.?

?Ansambli Kombëtar i Këngëve dhe Valleve Popullore ka spikatur jo vetëm në skenat shqiptare por veçanërisht me pjesëmarrjet e suksesshme në festivale të ndryshme në rajon, në Evropë, në Afrikë, në Azi e deri në Amerikë, por sot do të veçoja një emër, besoj me mirëkuptimin tuaj, legjendën e Valles Popullore Shqiptare, Besim Zekthin?- u shpreh Meta.

Kreu i shtetit, Ilir Meta u shpreh se ?Kam kënaqësinë e veçantë që gjatë kësaj mbrëmjeje të bukur festive të vlerësoj me dekoratën e lartë ?Nderi i Kombit? valltarin dhe koreografin e shquar, zotin Besim Zekthi dhe me rastin e 60-Vjetorit, Ansamblin Kombëtar të Këngëve dhe Valleve Popullore.?/ CityNews