web counter
LEXO PA REKLAMA!

SHKARKO APP

App Store
Google Play

E fundit!

x

Grupi Balfin ndihmon familjen që jeton në varfëri ekstreme

11 Nëntor 2017, 10:09, Aktualitet CNA

Historia e varfërisë së tejskajshme të familjes Bicaku në fshatin Thanasaj të qytetit të Lushnjes, tronditi dhe preku mbarë audiencën përgjatë transmetimit të reportazhit në emisionin Opinion.

Për shkak të problemeve shëndetësore, asnjë prej pjesëtarëve të kësaj familje nuk është vlerësuar si i aftë për të punuar, ndaj dhe ushqimi dhe nevojat e tjera bazike që ata kanë, sigurohen me të ardhura minimale nga asistenca. Çdo ditë është një luftë e vërtetë për mbijetesë dhe situata sa vjen e vështirësohet më shumë.

Gjatë transmetimit live të emisionit, Grupi Balfin, nëpërmjet kompanisë SPAR Albania, u ofrua të sigurojë për familjen Bicaku plotësimin e nevojave të tyre ushqimore për dy vite me rradhë, kontribut i cili arrin vlerën prej 720,000 lekë.

Kjo inisiative vjen si pjesë e donacioneve që fondi Balfin, i krijuar me përkujdesjen e veçantë të vetë Presidentit të Grupit, Z. Samir Mane, me qëllim mbështetjen e shtresave të varfëra, dhuron në mënyrë të vazhdueshme.

Grupi Balfin, si një biznes me përgjegjësi të lartë sociale është i vendosur që të promovojë vlerat më të larta shoqërore dhe të tregojë përkujdesje për komunitetin ku vepron. Si pjesë e strategjisë për përgjegjësinë sociale, kontributi për shtresat e marxhinalizuara të shoqërisë është ndër shtyllat kryesore të zhvillimit të programeve sociale të Grupit.

Grupi Balfin është grupi më i madh dhe inovator i investimeve në vend dhe një ndër më të mëdhenjtë në rajon./ CityNews





Lajmet e fundit nga