SPAR ju thotë “Tungjatjeta”, për një fëmijëri me dinjitet!

9 Nëntor 2017, 10:25, Aktualitet CNA

World Vision vijon prej muajit Korrik programin ?Tungjatjeta”, program i cili gëzon mbështetjen e plotë të Grupit Balfin si partner strategjik. Tungjatjeta ofron vizita dhe shërbime për fëmijët me Aftësi të Kufizuar, në zonat e thella të vendit, në banesat e tyre.

Studimi i parë kombëtar mbi prevalencën e aftësisë së kufizuar tregoi se në Shqipëri ka 70 mijë fëmijë me Aftësi të Kufizuar dhe prej tyre vetëm 8% marrin shërbimet e nevojshme. Familjet e tyre nuk kanë mundësi ekonomike, banesat e tyre janë larg qendrave që ofrojnë shërbime dhe nuk mund të sigurojnë transport.

Tungjatjeta ka startuar në qytetin e Librazhdit. Shërbimi Komunitar Lëvizës udhëton drejt zonave të thella dhe viziton në çdo shtëpi fëmijët me Aftësi të Kufizuara, të cilët nuk kanë mundur të marrin asnjë shërbim bazë. Ekipi i ekspertëve harton plane individuale zhvillimi për çdo fëmijë dhe i ndjek ato hap pas hapi. Tungjatjeta, përmes njësisë lëvizëse ofron konsultime edhe për kujdestarët ligjorë, familjarët dhe anëtarët e komunitetit ku fëmija jeton.

Grupi Balfin është i vendosur që të promovojë vlerat më të larta shoqërore dhe të tregojë përkujdesje për komunitetin ku vepron. Grupi Balfin beson se rritja e një biznesi duhet të shoqërohet paralelisht me zhvillimin dhe rritjen sociale të komunitetit, e për këtë arsye ka vlerësuar maksimalisht programin Tungjatjeta ndaj dhe i është bashkuar si shumë biznese të tjera në vend.

Falë suportit të Grupit Balfin, programi Tungjatjeta ka arritur të përçojë jehonën në çdo cep të vendit duke gjeneruar kontribute të shumta nga qytetarët Shqiptarë.

Spar Albania, si pjesë e Grupit Balfin, po jep kontributin e saj në kuadër të nismës duke personalizuar ujin Spar me etiketë të dedikuar e për çdo shishe të shitur dhuron 5 lekë në mbështetje të programit ?Tungjatjeta?.

Njëkohësisht Spar ka vendosur në dispozicion hapësirat pranë kasave në çdo supermarket, si një mënyrë për të ftuar këdo që ka dëshirë, të japë një kontribut sado të vogël për këta fëmijë në kutitë e donacionit, duke besuar se të gjithë bashkë mund të bëjmë shumë!

Si pjesë e strategjisë për përgjegjësinë sociale, Grupi Balfin ka ndër shtyllat kryesore të zhvillimit të programeve sociale të tij shëndetin dhe fëmijët. Grupi Balfin është grupi më i madh dhe inovator i investimeve në vend dhe një ndër më të mëdhenjtë në rajon./ CityNews