Noterët lavatriçe parash/ Procedura të reja për marrjen e licensës

7 Nëntor 2017, 09:08, Aktualitet CNA

Komisioni parlamentar i Ligjeve ka miratuar dje në parim projektligjin për noterinë. Bëhet fjalë për një propozim të ri në kuadër të reformës në drejtësi, i cili do të disiplinojë profesionin e noterit. Po ku do konstatojnë ndryshimet rrënjësore për ligjin e noterisë? Së pari, kryesorja është se do të ndryshojnë procedurat e marrjes së licencave. Sipas ndryshimeve të cilat kanë marrë edhe miratimin e misionit EURALIUS e grupeve të interesit, procedurat për marrjen e licencës së noterit do të kalojnë në dy faza, raporton ?sot?.

Referuar legjislacionit të BE është vendosur që të ngrihet një shkollë për noterët. Sipas relatores së çështjes, Vasilika Hysi kësaj shkolle do t?i bashkohen të gjithë individët që kanë mesatare të kënaqshme sa i takon formimit të noterit dhe kësisoj do të trajnohen aty për një vit. Më pas çdokush do t?i nënshtrohet një testimi përfundimtar në lidhje me atë ç?ka ka mësuar gjatë kësaj periudhe. Ndërsa faza e dyte do të nisë fill pas përfundimit të trajnimit një-vjeçar, ku të gjithë individët që kanë kaluar testin e shkollës së ngritur posaçërisht për trajnim do t?i nënshtrohen një tjetër testi, por ku ndryshe nga i pari, ky do të jetë përfundimtar. Pasi bëhet fjalë për testin që zhvillon Ministria e Drejtësisë në sajë të së cilit një noter merr licencën për të ushtruar këtë profesion.

Nga ana tjetër, në kuadër të reformës në drejtësi, ndryshime në ligjin për noterinë do të ketë edhe sa i takon dëshmisë se trashëgimisë. Përfaqësuesja e EURALIUS deklaroi se këto ndryshime për dhënien e dëshmisë së trashëgimisë, duhet të rregullohen me ligj.

Një tjetër fakt që ka të bëjë me ndryshimet rrënjësore që i janë bërë ligjit për noterinë, është se të gjithë noterët do të kalojnë në sitë, pasi dyshohet se janë përfshirë në pastrim parash. Edhe ky shqetësim u bë evident në Komisionin parlamentar të Ligjeve nga përfaqësues së EURALIUS-it, i cili ka dhënë alarmin për përfshirje të ndjeshme të noterëve në fenomenin e pastrimit të parave. Për ta shmangur këtë në ligjin e ri të miratuar të gjithë noterët do të jenë në një monitorim të rreptë. Madje, përfaqësuesja e Euralius, theksoi se ky profesion ka rol të dorës së parë në betejën kundër pastrimit të parave dhe financimit të terrorizmit, shkak për të cilin masat ndëshkimore ndaj tyre duhet të përafrohen me ato ndaj gjyqtarëve e prokurorëve./CityNews