Belind Këlliçi: Ai që guxon, e pëson si Zagani

6 Nëntor 2017, 19:40, Aktualitet CNA

Në një postim në rrjetet sociale, kryetari i Forumit Rinor të Partisë Demokratike Belind Këlliçi, ka vijuar akuzat e tij adresuar kryeministrit Rama për lidhjet e tij me drogën dhe krimin nëpërmjet ish-ministrit të Brendshëm Saimir Tahiri.

?Saimir Tahiri ishte lidhja e Rames me krimin e organizuar, ishte garancia e trafikanteve ne qeveri.

Ishte njeriu qe garantonte paprekshmerine e tyre. Ai qe mblidhte perfitimet qe arrinin deri ne 5 mln euro ne muaj. Saimir Tahiri eshte sot deshmi se si do te luftoje Rama krimin dhe do te prese lidhjet e krimit me politiken?.

Më tej Këlliçi ka komentuar mbledhjen e bërë nga Rama në pallatin e kongreseve duke pohuar se ata të ftuar ishin në dijeni të kanabizimit të vendit.

?Javen e shkuar me qindra punonjes policie u detyruan te mbushnin pallatin e kongreseve per te degjuar raportin e monitorimit te kultivimit te kanabisit. Degjues ishin ata qe e njohin me mire se kushdo tjeter cdo pellembe toke te mbjelle me kanabis, por parcelat kane mbrojtje nga “shefat e medhenj”, nga drejtues te larte policie duke nisur tek ministri i brendshem e per te perfunduar tek i madhi fare, kryeministri.

Degjuan se si nje vit me pare, shefat e tyre genjenin kur thonin se ishte shkaterruar 99.8% e parcelave me kanabis. Komandanti i Pergjithshem i Guardia di Finanza, Gjeneral Xhorxhio Toski tha se kete vit u sekuestruan 33 ton kanabis, ose 66% me shume se sasia e nje viti me pare. Kanabis qe ka kaluar pa u shqetesuar nen hunden e autoriteteve shqiptare sepse kishte mbrojtjen e Saimir Tahirit.

Kur ministri Italian fliste per te paprekshem, cdo njeri ne ate salle ne mendje kishte Saimir Tahirin, dosja e te cilit ndodhet ne duart e drejtesise Italiane si bashkpunetor, mbrojtjes dhe perfitues i trafikut te droges se kushurinjve Habilaj. Ndersa ministri Italian fliste per bashkpunim, cdo punonjes policie ndihej i turperuar pasi ne zyren e tij ndodhet dosja e Agron Xhafajt, kreut te nje organizate te trafikut nderkombetar te droges, vellai i ministrit te brendshem aktual. E paprecedente per cdo vend te botes demokratike qe vellai i nje trafikanti, te jete minister i brendshem!?

Në përfundim Belind Këlliçi ka pohuar se Rama është garanci për krimin, drogën e korrupsionin dhe se fjalët e tjera janë thjeshtë fjalë kazani.

?Qytetaret presin qe policia te luftoje krimin, pra ish ministrin Saimir Tahirin dhe vellain e ministrit Agron Xhafaj, qe kane mbrojtjen dhe mbeshtetjen direkte te Edi Rames. Ai qe guxon, e peson si Zagani. Ky eshte morali i shtetit te Edi Rames dhe lufta e tij kunder krimit e trafiqeve, qe edhe sot e propagandon me force.

Edi Rama eshte garanci per krimin, drogen dhe korrupsionin. Te tjerat jane fjale kazani per tu hedhur hi syve qytetareve qe sot e shohin me mire se kurre se si funksionon “shteti i Edi Rames” /CityNews