web counter
LEXO PA REKLAMA!

SHKARKO APP

App Store
Google Play

E fundit!

x

I kërkuar prej dy vitesh për aferën e naftës "virgine"/ Arrestohet në Zvicër Adrian Xhillari (Foto)

6 Nëntor 2017, 19:14, Aktualitet CNA

Lajmi i raportuar nga BIRN është konfirmuar nga Prokuroria e Fierit, e cila thotë se pala shqiptare pret që ai të ekstradohet për t?u përballur me drejtësinë.

Të njëjtat burime i thanë BIRN se Prokuroria e Përgjithshme ka dërguar menjëherë letër-porosinë e shoqëruar me urdhër-ndalimin dhe dosjen hetimore në ngarkim të Xhillarit, me qëllim ekstradimin e tij në Shqipëri. Nën akuzë bashkë me Xhillarin janë edhe zv.drejtoresha e Përgjithshme e Doganave, Lula Njebza dhe ish-kreu iDegës së Doganës së Tiranës, Mirëarbër Teneqexhiu.

Administratori i kompanisë ?Tea Construksion & Petrol sh.a?, Adrian Xhillari akuzohet për veprat penale ?fshehje e të ardhurave?, ?mospagim i taksave? dhe ?pastrim i produkteve të veprës penale ose veprimtarisë kriminale? dhe ndaj tij vazhdon të qëndrojë në fuqi masa e sigurimit ?arrest në burg? e dhënë në mungesë. Çështja ndaj tre të akuzarve të sipërcituar nisi pas një denoncimi të kryer nga  Crown Agents në Maj të vitit 2015 në Prokurorinë e Fierit.

Më herët, në lidhje me këtë dosje u dënuan Alfred Bushi dhe Syrja Misiraj në Gjykatën e Fierit, Bushi mori pafajësi në Apel, ndërsa Misiraj u dënua me 1 vit burg. Në një procec të mëvetshëm po shqyrtohet çështja edhe ndaj Adrian Alikajt. Pritet që në ditët në vazhdim, autoritetet e drejtësisë zviceriane të vendosin për ekstradimin ose jo të Xhillarit.





Lajmet e fundit nga