web counter
LEXO PA REKLAMA!

SHKARKO APP

App Store
Google Play

E fundit!

x

Kartmonedhat shekullore shqiptare në një ekspozitë

4 Nëntor 2017, 13:59, Aktualitet CNA

Nga Artur AJAZI

Nga data 31 Tetor deri me 3 Nëntor u mbajt ekspozita ?Fragmente të Historisë së Shtetit Shqiptar Përmes Kartëmonedhave Shqiptare?. Në kuadër të frymës ?Edukimi përmes Kulturës?, në qytetin e Elbasanit, në Teatrin Skampa Elbasan u organizua ekspozita ?Fragmente të historisë së Shtetit Shqiptar përmes kartëmonedhave shqiptare?.Ideja ishte e vetë Julian Demetit dhe e Fatma Spahiut, duke u nisur për të ndihmuar fëmijët me nevoja të veçanta. Julian Demeti, një biznesmen shqiptar dhe dashamirës i artit dhe historisë, me dëshirën për të hapur një ekspozitë mbi koleksionin e tij personal të pullave dhe kartmonedhave shqiptare vendosi që këtë ekspozitë ta hapte në qytetin e tij të lindjes.

Duke patur si synim së pari, informimin e qytetarëve elbasanas mbi historinë dhe ndryshimet që kanë ndodhur në ekonominë dhe kartmendhat shqiptare, por edhe nga dëshira për të ndihmuar njerëzit në nëvojë. Në këtë kuadër, nisur nga miqësia e vjetër me drejtoren ekzekutive e Qendrës Shqiptare për Integrimin e Njerëzve me Nevoja të Veçanta znj., Fatma Spahiun, morën iniciativën e hapjes së ekspozitës. Kjo ekspozitë me karakter edukativ, përmes një koleksioni të rrallë kartëmonedhash shqiptare, pjesë e koleksionit të koleksionistit z. Julian Demeti, synoi të informonte publikun e gjerë mbi vlerat historike, kulturore dhe numizmatike të ilustruara në kartëmonedhat shqiptare.

Gjithashtu, ky koleksion u shoqërua edhe me objekte mbështetëse si kartolina, gazeta e revista të kohës, duke ofruar një pasqyrim më të plotë të zhvillimit kulturor dhe numizmatik ndër vite në Shqipëri.Ky aktivitet u organizua nën kujdesin e veçantë të Kryetarit të Bashkisë së Elbasanit në bashkëpunim me Arkivin Digjital Elbasan dhe Qendrën Shqiptare për Integrimin e Njerëzve me Nevoja të Veçanta.

Zonja Spahiu duke folur për ?City News.al? u shpreh se ?kjo ekspozitë ishte dhe do të mbetet e veçantë pasi ajo shpreh dhe pasqyron zhvillimin në vite të kartmonedhave shqiptare, tek kjo ekspozitë për herën e parë publikohet një gjë e rrallë, kartmonedha e parë me të cilën banorët dhe tregetarët e zonës së Elbasanit kanë punuar dhe jetuar qysh shekullin e kaluar, dhe pastaj pasqyrohen me rradhë kartmonedhat e Shtetit Shqiptar në vite, qysh nga koha e Mbretërisë deri në vitet e mëvonshme, kjo ekspozitë ka patur një interesim të veçantë nga qytetarët e të gjitha shtresave, intelektualët dhe veçanarisht historianët  dhe ata që në familjet e tyre kanë patur fatin të kenë gjyshërit dhe stërgjyshërit tregetarë, duke afruar mendimet, sygjerimet dhe vleresimet e tyre.

Ekspozita është vizituar nga shumë nxenes dhe studentë, të cilët janë njohur me historikun e kartmonedhave të Shqiperise, gjë e cila do ti shërbejë shumë atyre në rrugën e progresit mendor dhe arsimor?. Ekspozita ka qëndruar e hapur për afro 10 ditë dhe do të rihapet ndoshta pasi sipas organizatorëve, ka paraqitur interes të madh tek qytetaret. Ajo shumë shpejt do të hapet edhe në disa qytete te tjera të vendit./ CityNews





Lajmet e fundit nga