E fundit!

11:19 Aktualitet

Mbeti me gisht në gojë/ Spiropalit nuk i del e keqja, ja lëvizja kundër Ramës

Pasi u shkarkua nga çdo post i rëndësishëm dhe mebtei thje...

Katër fakte kundër analizës në PD

4 Nëntor 2017, 11:11, Aktualitet CNA

Nga Indrit Vokshi

Më datë 30 tetor morra pjesë në mbledhjen e Kryesisë së PD Lezhë ku ishin të pranishëm deputetët dhe i deleguari, mbi analizën dhe konsultimin mbi zgjedhjet (mbledhje që shkoi mirë) dhe qëndrimet e mia (përmbledhur) ishin këto:

1. Sa i përket analizës se pse u humbën zgjedhjet është e kotë të shkohet në bazë për të pyetur, pasi edhe në dokumentin që shqyrtojmë edhe publikisht, PD zyrtarisht ka komunikuar se zgjedhjet janë manipuluar, blerë me paret e drogës, shantazhuar etj. Si logjikë analiza kryhet për të gjetur shkaqet e humbjes, kështu që çfarë nevoje paska për analizë kur ne tashmë i kemi gjetur shkaqet e humbjes? Janë pra, paratë, droga, shantazhi etj. Pse duhet shkuar në bazë për të pyetur kur i kemi gjetur vetë shkaqet dhe i deklarojmë publikisht nëpër tv?

2. Ndaj them ta lëmë pjesën e analizës dhe të merremi me pjesën tjetër, konsultimin. Si mendojmë ne, se Edi Rama do të pendohet apo do të harrojë të paguajë para për zgjedhjet e ardhshme? Të konsultohen pra ide me të gjithë demokratët, se si PD të bëhet një parti më tërheqëse dhe më bindëse se paratë e kundërshtarit. Kjo është sfida. (Me ketë supozova se lidershipi i partisë do t’i marrë parasysh propozimet e demokratëve – shënim i tanishëm).

3. Flitet këtu dhe publikisht se ata 450 mijë njerëz që votuan PD janë heronj pasi ata nuk u shitën as u shantazhuan, duke aluduar kështu mbi të tjerët që s’na votuan. Po ata 230 mijë që nuk na votuan? Janë më pak demokratë ata? Sepse kemi dy mendime, ketë dhe një tjetër të përkrahur edhe nga z.Berisha se këta 230 mijë që nuk na votuan ishin militantë hiper të ndjeshëm që u zemëruan dhe bojkotuan si shkak i marrëveshjes Rama-Basha. Pra nuk është mirë të ecet me ketë logjikë.

4. Ka ndodhur diçka e paimagjinueshme. Partia Demokratike në komunikimin e saj zyrtar, akuzon popullin për shitje. Kemi akuzuar Fatos Nanon dhe Ilir Metën dikur për manipulim të vullnetit të popullit nëpër komisione votimi, për vjedhjen e votës së popullit gjithashtu por kurrë kjo parti nuk ka guxuar të akuzojë popullin se ku e ka çuar votën. Sot në 2017 akuzohet populli. (Eshtë po ky popull që e ka mbajtur PD-në 13 vjet në qeverisje).

Koment i sotëm: Mendimi im është që PD ngrihet vetëm përmes një sistemi merite përmes garës dhe vlerësim-meritës. Vetëm gara e përcakton saktë vendin e secilit. Garë brenda partisë si në përcaktimin e kandidaturave për deputetë, si për këshillëtarë bashkiakë, si për gjithçka. Ndaj duhet përqëndrim tek forcimi i mekanizmit të garës.