web counter
LEXO PA REKLAMA!

SHKARKO APP

E fundit!

x

Në Currila të Durrësit shpëtohet nga rreziku veljera amerikane

4 Nëntor 2017, 11:25, Aktualitet CNA

Veljeri amerikan Silver Apple me kapiten Bartlett Dunbar dhe me ekuipazh prej 5 anëtarësh, të tërë shtetas amerikanë ngeci në cektirë në Gjirin e Durrësit në zonën e quajtur Batllat e Currilave.

Kapiteneria e Portit Durrës e përfaqësuar nga oficeri i shërbimit, kapiten Besnik Deda në koorodinim me QNOD-në Plepa dhe Rojën Bregdetare Shqiptare organizuan operacionin e shpëtimit të veljerit në fjalë.

Për shkak të mungesës thuajse totale të mjeteve të posacme detare shtetërore për të tilla operacione shpëtimi (salvage operation), iu kërkua ndihmë kompanive durrsake ?ARBI? dhe Coli SHPK.

Këto kompani ofruan një mjet të posacëm për të tilla operacione shpëtimi të quajtur ?Essa-Osse?, si edhe një motorskaf, një rimorkiator dhe një vinxh-ponton(vinxh pluskues në ujë). Shpëtimi i anijes u krye me sukses. Një ngjarje e tillë të shërbejë si mësim për organet shtetërore shqiptare, të cilat në vend të investojnë për mbjellje palmash dhe ripjellje urbane, bëjnë mirë të investojnë për të tilla mjete, që janë të domosdoshme për emergjenca të këtij roli./ Gjergj THANASI/ CityNews





Lajmet e fundit nga