web counter
LEXO PA REKLAMA!

SHKARKO APP

App Store
Google Play

E fundit!

x

Rilindja rrëzon reformën në drejtësi/ Çfarë presin Lu dhe Vlahutin?

3 Nëntor 2017, 10:02, Aktualitet CNA

Kryetari i grupit parlamentar të LSI, Petrit Vasili i ka bërë thirrje ambasadorëve të BE dhe SHBA, të ndërhyjnë për reformën në drejtësi.

Në një postim në rrjetet sociale, Vasili thotë se ?reforma ne drejtësi u kap nga Rilindja, askush nuk beson më te ajo.?

Gjithashtu Vasili thotë se edhe shqiptari më i fundit nuk ka harruar se u garantuan publikisht nga ambasadorët Lu dhe Vllahutin, se ligjet e reformës ne drejtësi do t’i bënin ekspertët dhe do të vinin për miratim pa ndryshime në parlament.

Postimi i plotë i Vasilit:

Lu dhe Vllahutin ç’prisni (?), reforma ne drejtësi u kap nga Rilindja, askush nuk beson më te ajo.

Rilindja rrëzon përfundimisht reformën në drejtësi.
Edhe shqiptari më i fundit nuk ka harruar se u garantuan publikisht nga ambasadorët Lu dhe Vllahutin, se ligjet e reformës ne drejtësi do t’i bënin ekspertët dhe do të vinin për miratim pa ndryshime në parlament.
U vendos kështu, me qenë se ekspertët ishin të pavarur, të mbështetur nga Euralius, OPDAT dhe Komisioni i Venecias, që të mos lejohej politika që të kapte drejtësinë.

Por, Rilindja e shkeli dhe e shtypi këtë parim.Tani ligjet e reformës i bën totalisht Rilindja, madje mbrëmë i ndryshoi totalisht edhe përmbajtjen edhe titullin ligjeve që ekspertët përgatitën; ashtu siç bënë edhe me vetingun dy javë më parë, ku i shkurtuan edhe njerëzit edhe paratë.

Reforma në drejtësi ra.

Parimet e reformës dhe grupi i ekspertëve me Euralius dhe Opdat u asgjësuan.

Reforma u kap nga Rilindja ditën për diell.

Lu dhe Vlahutin, reagoni! Ç’prisni!? Zhgënjimi popullor është i madh. Askush nuk beson më tek reforma në drejtësi./ CityNews





Lajmet e fundit nga