E fundit!

13:13 Opinione Eduard Halimi

Si ta kuptojmë atë që po ndodh në Aeroportin e Vlorës?

Si ta kuptojmë atë që po ndodh në Aeroportin e Vlorës/ 7 K...

Braktisja e Bashës nga demokratët/ Tre fakte nga analiza e PD-së

3 Nëntor 2017, 09:10, Aktualitet CNA

Partia Demokratike ka filluar prej gati dy javësh analizën e humbjes së zgjedhjeve, si dhe nxjerrjen e fakteve, provave dhe arsyeve që çuan në një katastrofë elektorale si ajo e 25 qershorit.

Basha ka urdhëruar krijimin e grupeve të punës, ka emëruar të deleguarit të cilët i ka shoqëruar me grupin e deputetëve dhe anëtarët e Këshillit Kombëtar.

Një analizë e filluar me shumë vonesë, e cila në fakt nuk ka për ti shërbyer askujt dhe asgjëje pasi po zhvillohet 5 muaj pas zgjedhjeve, kur çdo raport ndërkombëtar dhe denoncim për zgjedhjet është mbyllur.

Kjo analizë po bëhet pasi përgjegjësi kryesor i humbjes, u rizgjodh në krye të PD-së me shpejtësi dhe manipulim të votave të demokratëve.

Manipulimi i votave nga vetë Basha dhe një analizë fiktive po tregohet çdo ditë në mbledhjet e zhvilluara në thuajse të gjitha degët e Shqipërisë.

Kudo analiza ka disa problematika kryesore:

Së pari baza e PD-së e ka braktisur përfundimisht Lulzim Bashën dhe këtë e tregon fakti i parë, mungesa totale e pjesëmarrjes në analiza.

Ka një braktisje dhe mospërfillje ndaj farsës që ka urdhëruar kryetari i PD-së deputetëve të tij, çka tregon dhe rikonfirmon arsyet e humbjes së zgjedhjeve me 25 qershor, që ishte bojkoti masiv dhe braktisja e lidershipit zyrtar të PD-së.

Një fakt i dytë vjen i raportuar nga shumë degë, si në Sarandë, Kukës dhe Durrës, ku kritikët dhe zërat ndryshe nuk njoftohen dhe nuk thirren në analizë, kjo me një orjentim dhënë së fundi nga vetë Lulzim Basha.

Një fakt i tretë lidhet me qejfmbetjet apo përçarjen e thellë të PD-së, të cilat kanë ardhur si pasojë e gënjeshtrave të Lulzim Bashës, veprimeve dhe akteve korruptive të tij dhe të deleguarve të tij në degë, si dhe zgjedhjet e zhvilluara në këto të fundit, ku shumica e tyre kanë qënë të manipuluara dhe të paravendosura nga vetë Basha.

Këto janë tre faktet që tregojnë se çfarë po ndodh vërtetë në analizën e Lulzim Bashës, cila është situata në degën e PD-së dhe braktisja e madhe që i ka ndodhur Lulzim Bashës.

Ky i fundit ende nuk ka asnjë reagim dhe reflektim, atij i mjafton ajo PD e ngelur, qoftë dhe një grusht, thjeshtë dhe vetëm ai të ketë karrigen dhe vulën e saj./ CityNews