E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Nga Artur AJAZI/ “Çunat” e Tikut hetime nga letrat anonime

31 Tetor 2017, 17:07, Aktualitet CNA

Sikur të mos mjaftonte çudia (apo skandali që i nxorri zbuluar profesionalisht) dhe habia e madhe e Prokurorisë me ish-ministrin e Brëndshëm për gjoja ?nevojën urgjente të arrestimit tij? me të tjera bllofe po merren edhe prokurorët e Adriatik Llallës edhe në rrethe. Ajo që të bie në sy, është fakti se ka një situatë tensioni në zyrat e organit të akuzës pothuajse në të gjitha rrethet, dhe kjo duket tek nxitimi për të mbyllur ?dosjet e vjetra? dhe nxitimi për të hapur dosjet e ?reja?.

Por këto të fundit bazuar jo mbi fakte por mbi llafe kafenesh, letrash anonime, apo sms të ardhura nga ?fronti i bashkuar opozitar?. Organi i akuzës në çdo rast, e ka detyrim ligjor të nisë hetimi dhe procedim penal ndaj kujdo që akuzohet dhe denoncohet publikisht me fakte konkrete, dhe jo mbi thashetheme dhe inate personale nga individë që e kanë humbur pushtetin, të veshur me mantelin e ligjvënësit.

Të paktën në dy rrethe, Durrës dhe në Elbasan, ?çunat? e Tik Llallës prej disa javësh kanë nisur paralelisht me mbylljen e ?dosjeve të vjetra?, edhe hapjen e dosjeve të reja, të cilat po mbushen me emra zyrtarësh, drejtuesish dhe biznesmenësh të vjela nga letrat anonime , si dikur bënte Hetuesia e Degës së Punëve të Brëndshme. Dhjetra emra drejtuesish dhe zyrtarësh, janë në listën e ?çunave? të Tik Llallës në rrethe, duke nisur ndaj tyre procedimin penal (fillimisht verbal) të bazuara mbi gënjeshtra dhe sajime.

E ndërsa ?dosjet e vjetra? ishin të mbushura prej vitesh me skandale financiare dhe abuzime të padëgjuara nga ata që kanë drejtuar dhe qeverisur vendin deri në 2013, duket se për dosjet e reja letrat anonime dhe sms-të, po kthehen në lëndë e parë për t?ju sulur jo fajtorëve realë, por në fakt njerëzve të kryeministrit. De facto dhe de jure, Prokuroria ka nisur (paligjshmërinë) betejën e fundit duke përdorur në mënyrë abuzive ligjet dhe Kodin Penal. Dhjetra emra drejtuesisht dhe zyrtarësh, janë vënë në gjendje alarmi dhe arresti, duke u njoftuar nga persona të tretë për ?denoncime, akuza, hetime?. Kjo situatë e rënduar terrori psikologjik mbi njerëzit e kryeministrit, ka ardhur menjëherë pas dështimit me arrestimin e ish-ministrin e Brëndshëm. Duket se porositë janë të qarta ?nisni hetime mbi çdo drejtues socialist, mbi çdo zyrtar të qeverisjes edhe në rrethe, mbi çdo biznes që ka përkrahur PS në zgjedhje?.

Dhe lista është e gjatë, e mbushur me emra që në dy palë zgjedhje kanë sfiduar ?delegatët? e Lulit, emrat e listës së tij që vetëm kandidate të besueshëm nuk ishin në popull. Atë që nuk e bëri Luli me listën e vet, duket se po e bën Tiku me ?çunat? e tij, me ata që vetëm dosje penale për të korruptuarit nuk kanë hapur dhe hetuar kurrë në rrethe, me ata që të korruptuarit realë nuk i kanë dërguar kurrë para trupit gjykues. Në Inspektaratin e Deklarimit dhe Kontrollit të Pasurive e Konfliktit të Interesave, prej ditësh kanë nisur të shkojnë shtesa të reja nga Brukseli, menjëherë pas hyrjes në fuqi të ligjit të Vettingu-t.

Kjo pas një bashkëpunimi të ngushtë ndërmjet BE dhe autoriteteve shqiptare mbi nisjen e procesit të zbatimit të reformës në drejtësi. Shkresat zyrtare, kanë detaje të rëndësishme që kanë të bëjnë me verifikimin e pasurisë të disa prokurorëve më të përfolur të vendit dhe një grupi politikanësh. Të dhënat e fundit që kanë ardhur në ILDKPI, konsiderohen si ?thesare?, pasi flasin edhe mbi krerët e organit të akuzës në qendër e rrethe, dhe lidhjet e tyre të hershme me segmente të politikës. Sipas informacioneve të ardhura, mësohet se ka mospërputhje të pasurisë së dhjetra prokurorëve, pasi një pjesë e saj nuk është deklaruar zyrtarisht nga ata . Ndoshta ka ardhur momenti, që Vetting-u të zbulojë jo vetëm pasuritë e ?çunave? të Tikut, por edhe arsyet e zvarritjeve dhe mbylljeve të dosjeve të vjetra që nuk u hetuan kurrë, apo dhe dosjeve të ?reja? që po hapen me porosi nga ?fronti i bashkuar opozitar?.