web counter
LEXO PA REKLAMA!

SHKARKO APP

App Store
Google Play

E fundit!

x

Fshehu 7 shtetas sirianë/ Arrestohet 40-vjeçari

31 Tetor 2017, 16:07, Aktualitet CNA

Ditën e sotme specialistët për Hetimin e Krimit në Drejtorinë Vendore për Kufirin dhe Migracionin në Gjirokastër bënë të mundur arrestimin në flagrancë të shtetasit Carlos Joaquin Rosado Valencia, vjeç 40, lindur në Valencia – Ekuador dhe banues në Denenburg, Holland.

Arrestimi i tij u bë pasi dyshohet se ka konsumuar  veprën penale “Dhënia ndihmë për kalim të paligjshëm të kufirit”.

Nga kontrolli i ushtruar nga punonjësit e policisë në Pikën e Kalimit Kufitar Kakavijë, në automjetin furgon me targë KG546L, në sendiljet e pasme u konstatuan të fshehur (shtrirë) 7 shtetas të huaj Sirianë, nga të cilët ishin 4 burra, 2 gra dhe 1 fëmijë i mitur, të gjithë nga Siria.

Në kuadër të luftës kundër trafikut të lëndëve narkotike, gjatë muajit Tetor në Pikën e Kalimit Kufitar Kakavijë, gjatë kontrollit në vijën e dytë, janë goditur 2 raste të trafikimit të lëndëve narkotike.

Gjatë muajit Tetor nga shërbimet e Stacionit të Policisë Kufitare Kakavijë, janë kapur 108 shtetas të huaj nga vendet MENA të cilët kanë tentuar të hyjnë në mënyrë të paligjshme në teritorin e Republikës së Shqipërisë. /CityNews

 

 

 

 

 





Lajmet e fundit nga