web counter
LEXO PA REKLAMA!

SHKARKO APP

App Store
Google Play

E fundit!

x

Mustafa Nano: Azem Hajdari kishte frikë nga Sali Berisha

31 Tetor 2017, 16:24, Aktualitet CNA

Në një intervistë për gazetën “Panorama”, publicisti Mustafa Nano është shprehur se Azem Hajdari kishte një frikë dhe droje nga Sali Berisha.
“Kishte një kompleks, droje e frikë ndaj Berishës. E me që ra fjala, më duhet të them këtu, se ka pasur vetëm një shqiptar që e ka poshtëruar Azem Hajdarin. Emri i tij është Sali Berisha. Të tjerët, thjesht kanë bërë kritika ndaj tij. Siç është edhe kjo që po bëj unë.”- dekaron Mustafa nano.

Gjithashtu Nano thotë se Azemin e ka njohur personalisht dhe se në një rast kishin ndenjur bashkë, pa praninë e të tjerëve, një ditë të tërë, në Skrapar.

“Dhe kam kujtime të mira në planin e një marrëdhënieje personale. Ishte spontan, instiktiv, me një brio të lezetshme antikomuniste, dhe me veset e limitet që ai i kishte të shumta, si shumë të tjerë”.

Por sipas Mustafa Nanos këta nuk i bëjnë homazhe këtij lloj Azemi.

“Këta i bëjnë homazh një Azemi që nuk ka ekzistuar. “Personaliteti më i jashtëzakonshëm i këtij kombi”, e quajti Berisha në Tropojë. Përsëris: Personazhi më i jashtëzakonshëm i këtij kombi!!!! Hë, duhet besuar kjo? Më lehtë mund të besohet që unë kam fjetur me Berishën. Dhe kuptohet, kur thuhen marrina të tilla, personazhi të zvjerdhet fare edhe sikur të ketë pasur vlera.”- shprehet Nano./ CityNews





Lajmet e fundit nga