web counter
LEXO PA REKLAMA!

SHKARKO APP

App Store
Google Play

E fundit!

x

Behar Gjoka kritikon Ministrinë e Kulturës

31 Tetor 2017, 13:23, Aktualitet CNA

Në katër vite mungoi vëmendja për autorët dhe librin nga Ministria e Kulturës. Edhe ato projekte apo fonde që jepen për librin sipas studiuesit Behar Gjoka shkojnë më tepër për një rreth të ngushtë njerëzish, që janë afër ministrisë. Studiuesi Behar Gjoka vijon të ketë qëndrim kritik ndaj Ministrisë së Kulturës. Sipas tij deri tani tregoi se nuk arriti dot me politikat e saj të ndihmojë si duhet autorët dhe librin.

Në një intervistë për gazetën  ?SOT? studiuesi Gjoka tregon se fati e deshi që ministrja e Kulturës të mbetet në histori si njeriu që megjithëse ka bërë pak për kulturën të vazhdojë të quhet titullare në Ministri të Kulturës.

Sipas studiuesit nuk bëhet asgjë për të pasur në konsideratë autorin shqiptar dhe librin shqip, me përjashtim të rasteve kur janë klanet e ministrisë.

Ministria e Kulturës sipas tij ka krijuar fonde për krijimtarinë letrare, për përkthimin, por nuk janë asgjë tjetër veçse komunikime me klanin e vet.

Lidhur me kritikat për Ministrinë e Kulturës, GJoka u shpreh se nuk e priste që Mirela Kumbaro të zgjidheshe për herë të dytë pasi sipas tij është një ministre që e ka mbushur kupën dhe do të vazhdojë ta derdhë kupën që mbushi.

?Butrinti është një nga rastet që e konfirmon më së miri pikërisht këtë akt?, u shpreh Gjoka.

 





Lajmet e fundit nga