web counter
LEXO PA REKLAMA!

SHKARKO APP

App Store
Google Play

E fundit!

x

Tentojnë të vjedhin kazinonë/ Në kërkim autorët

31 Tetor 2017, 12:47, Aktualitet CNA

Policia e Dibrës njofton se në qytetin e Vjetër të Bulqizës, është tentuar të vidhet një kazino.

Menjëherë kanë shkuar shërbimet e policisë në vendin e ngjarjes ku nga verifikimet e kryera në vijim si:  kqyrja e vendit të ngjarjes, shoqërime personash dhe kqyrja e kamerave të sigurisë, ka rezultuar se :

Persona të pa identifikuar nëpërmjet portës së pasme kanë hapur derën pa dëmtime (me çelës),  dhe janë futur  brenda sallës së lojrave të fatit, në pronësi të shtetasit R.K, 43 vjeç, ku kanë kontrolluar për vlera monetare por nuk kanë mundur të marrin asgjë.

Në orët e mbrëmjes datë 30.10.2017, shërbimet e policisë kanë marrë informacion, se në aksin rrugor Maqellarë-Shupenzë, në anë të rrugës është konstatuar një automjet i djegur.

Grupi hetimor ka shkuar në vendin e ngjarjes, ku u konstatua se në vendin e quajtur “Maranicë”,  aksi rrugor Maqëllarë – Shupenzë, rreth  200 metra në anën e majtë të rrugës eshte gjetur një mjet  tip “Mercedez-Benz” , me targa TR 8692 F, i djegur plotësisht,  në pronësi të shtetasit S.P,  banues në Tiranë.

Ky automjet dyshohet  të jetë përdorur nga autorët që tentuan të vidhnin kazinon në qytetin e Bulqizës.

Specialistët e policisë po punojnë për zbardhjen dhe dokumentimin e plotë të kësaj  ngjarje, identifikimin dhe kapjen e autorëve./ CityNews





Lajmet e fundit nga