E fundit!

14:27 Politikë

Rama: Nëse këtu do të kishte lavatriçe parash të pista, nuk do të mbyllnim kapituj me BE-në

Në aktivitetin e programit “Dyfisho sipërmarrjen tënde”, k...

Nga Zamira Çavo / Homos timidius

30 Tetor 2017, 21:57, Aktualitet CNA

Sot takova atë; homos timidus. Rrinte e dëgjonte se si arsimi po ecte në rrugë të pashkelura, se si do bëhej reforma dhe platformë e re në arsim. E pashë teksa dëgjonte ato që I kishte dëgjuar në 27 vjet 27 herë! I dëgjonte dhe kapsalliste sytë. Nuk kuptohej nëse I besonte apo jo, por I dëgjonte dhe I duartrokiste. Kështu kishte bërë shumë herë. Herën e fundit kishte duartrokitur kur do zgjidheshin Drejtorët e arsimit në rrethe sipas konkursit I cili ?nuk ishte bërë kurrë më parë sipas meritës?. Pastaj pa se si drejtorë u bënë ata që ai I kishte parë vetëm në ëndrrat e tij më të këqija. Dhe atëherë kapsalliti sytë, por mendoi se koha do të tregonte atë ç’ka ai e dinte. Dhe pati të drejtë! Disa Drejtorë ?me meritë? u futën në burg! Këtë radhë me meritë të vërtetë!

Pastaj sërish kishte parë drejtorin e tij të bënte shkollë për drejtor . Sot kryeministri u tha sërish këtë punën e shkollës për drejtorët që do zgjidhen sipas meritës!

Pastaj Kryeministri tha se reforma në arsim do jetë shumë e suksesshme por ama nuk do marrim dot të kopjojmë modelin finlandez sepse duhet të mendojmë si finlandezët. Dhe ?homos timidus? kapsalliti sërish sytë. Para katër vitesh po I njëjti kryeministër u pati thënë se ne do marrim modelet më të mira anglosaksone dhe do sjellim librat e tyre për të mësuar fëmijët tanë?

Sot kryeministri tregonte përrallën e radhës për arsimin dhe?homos timidus? e shikonte me sy të kapsallitur. Nesër ai do vazhdojë si më parë: do bëjë një mal me dokumente sepse I ?kërkon reforma? dhe nuk do ti dalë koha për të parë ndonjë gjë të re e për tia dhënë nxënësve . Nesër ai do vazhdojë të bëjë sikur jep mësim dhe drejtori do vazhdojë tu kërkojë dosjet mal me letra koti që nuk I hyjnë në punë as dreqit, por që quhen reformë! Dhe nxënësit do bëjnë sikur mësojnë. Dhe ai ?homos timidus? do bëjë sikur jep dije. Në fund të fundit kryeministri e lavdëroi : Kështu duhet armata e mësuesve; pa fjalë !

As unë nuk kam fjalë.