E fundit!

16:34 Aktualitet

Dosja "Toyota Yaris"/ GJKKO dërgon për gjykim me themel ish-oficeren e BKH

Gjykata e Posaçme ka dërguar në gjyq dy të pandehurit në d...

Avokat Ngjela i bën thirrje ish-komunistëve/ Bëjini një këngë për timonin, timonierit Rama

30 Tetor 2017, 21:33, Aktualitet CNA

Avokat politikani Spartak Ngjela ka postuar një tekst në faqen e tij personale në rrjetin social, ku përcjell mesazhin e konvertimit të kryeministrit dhe kryetarit të PS-së,Edi Rama në një figurë timonierike të ngjashme me udhëheqësin kinezë Mao Ce Dun. Të cilin e kopjon jo vetëm si Timonier, por edhe në mbajtjen e atleteve, të cilat udhëheqësi legjendar kinezë, sipas Avokatit, i veshi në nisje të revolucionit Kulturor.

?Të gjithë liderët jo perëndimorë kanë menduar se janë unikalë dhe po drejtojnë botën. Për këtë kanë nxjerrë edhe nga një figurë simbolike që ta kuptojë populli i tyre. Kështu ka ndodhur edhe me fshatin oriental të kryeministrave shqiptarë. Kulmin e shohim sot te timoni i kryeministrit shqiptar. Kujton ky vërtet se ka timon?, shkruan avokat Ngjela, që pas vijon:
?Po i pari me timon në fakt ka qenë Mao Ceduni që u quajt Timonieri i Madh.
Më parë atij partia i bëri një këngë që u titullua: “lundrimi në det varet nga timonieri”. Është mirë t’i bëjnë ish komunistët edhe këtij tonit një këngë për timonin që ka, se tani na paska vënë dhe një yll të kuq në xhaketë. Po mos harroni dhe diçka, se duhet ta dini: edhe atletet i pari Maoja i veshi në Revolucionin Kulturor në vitin 1967. Dhe me to veshi të gjithë kinezët. Dhe a e dini pse e shpërtheu këtë revolucion Maoja?

Sepse e rrëzoi byroja politike për të vendosur kryetar partie Presidentin e Kinës, Liu Shao Ci. Maoja e rrëzoi me revolucion dhe e vrau. E pra, edhe ky pafillja i socialistëve siç duket ndihet i pasigurt dhe prandaj po iu kujton timonin.
Tani ka vënë edhe yllin e kuq në xhaketë. Të shohim, do të na shkojë deri në oqean edhe ky, apo do mbetet këtu në Shqipëri me këtë që ka thënë.
Pse, çfarë ka thënë. Ka muaj që po na thotë se “suksesi në qeverisjen e Shqipërisë varet nga Timonieri”. Po mirë xhanëm, timonin ku e mësoi ky? Prisni ta dëgjoni bashkë me këngën?./CityNews