web counter
LEXO PA REKLAMA!

SHKARKO APP

App Store
Google Play

Pjesëmarrje shumë e ulët në zgjedhjet vendore në Maqedoni

29 Tetor 2017, 12:45, Aktualitet CNA

Anëtari i Komisionit Komunal Zgjedhor në Tetovë, Nazmi Dauti ka thënë se dalja e votuesve për rivotim në raundin e dytë ka qenë i ulët dhe në krahasim me raundin e parë  regresi është i shqueshëm. Sipas tij,  në orët e paradites kanë votuar rreth 5 %. Në gjithë qytetin e Tetovës dhe fshatrave përreth ka 82 mijë votues që duhet të shprehin vullnetin e tyre deri në ora 19:00.

Por edhe në komunat e tjera, jehona e votuesve ka qenë prej 5 deri 7%, informuan nga KSHZ, duke theksuar se në mesditë do të jepen të dhënat zyrtare për jehonën e votuesve deri në ora 10.00. Dalja më e ulët, si edhe në raundin e dytë, është regjistruar në komunat e banuara me popullatë shqiptare.

Të gjitha vendvotimet në të cilat mbahet raundi i dytë i zgjedhjeve lokale të vitit 2017 sot në mëngjes janë hapur në në kohë në orën shtatë, informojnë nga Komisioni Shtetëror Zgjedhor.

Sipas KSHZ-së votimi po zhvillohet pa pengesa dhe se nuk ka informacione nga komisionet komunale zgjedhore dhe këshillat zgjedhor për ndonjë problem gjatë votimit.

Në Maqedoni sot mbahet raundi i dytë i zgjedhjeve të gjashta lokale pas pavarësisë së vendit. Qytetarët do të votojnë në 1.517 vendvotime në 35 komuna, ku të drejtë vote kanë 833.710 qytetarë.

Në komunat e Shkupit, Çair, Butel, Gazi Babë, Kisella Vodë dhe Shuto Orizarë, të drejtë vote kanë 260.194 qytetarë, të cilët do të votojnë në 387 vendvotime. Në 29 komunat e tjera në Maqedoni do të votojnë 573.616 qytetarë në 1.130 vendvotime, për 70 kandidatë për kryetar komune. Këto janë zgjedhjet e gjashta lokale në Maqedoni pas pavarësisë. Të parat u mbajtën në vitin 1996, vijuan edhe në vitet 2000, 2005, 2009 dhe 2013.





Lajmet e fundit nga