web counter
LEXO PA REKLAMA!

SHKARKO APP

App Store
Google Play

E fundit!

x

Nis aksioni, makinat e vjetra jashtë Tiranës

29 Tetor 2017, 11:25, Aktualitet CNA

Nis heqja e lejeve të ushtrimit të aktivitetit të bizneseve në kryeqytet që nuk kanë respektuar kriteret e lejeve mjedisore.

Aksioni i përbashkët i Ministrisë së Turizmit dhe Mjedisit me Bashkinë Tiranë, nisi nga pika më e madhe e grumbullimit të makinave të vjetra në mes të lagjes më të madhe të njësisë administrative numër 6 në kryeqytet.

Ministri i Turizmit dhe Mjedisit Blendi Klosi dhe nënkryetari i Bashkisë së Tiranës, Arbian Mazniku morën pjesë në fillimin e këtij aksioni që do të vijojë në Tiranë.
Ministri Klosi u shpreh se ky aksion me institucionet e mbrojtjes së mjedisit dhe Bashkinë Tiranë, do ti japë zgjidhje një prej problematikave më të mëdha të qyteteve tona, atë të përpunimit të mbetjeve urbane, në mes të zonave të banuara.

Ministri Klosi deklaroi se e njëjta procedure e revokimit të lejeve do të vijojë në të gjithë Shqipërinë, për çdo biznes, i madh apo i vogël qoftë, që ndot mjedisin.

Nenkryetari i Bashkisë Tiranë, Arbër Mazniku deklaroi se në bashkëpunim me ministrinë e Turizmit dhe Mjedisit, po marrin zgjidhje ankesa te shumta të qytetarëve, për zhvillimin e bisneseve pranë zonave të banuara.

Mazniku deklaroi se këto pamje, as estetike dhe me pasoja në rritjen e ndotjes mjedisore nuk do të jenë më pjesë e një kryqyteti që po zhvillohet me shpejtësi./CityNews





Lajmet e fundit nga