web counter
LEXO PA REKLAMA!

SHKARKO APP

App Store
Google Play

Ruçi thirrje BE/ Të mos frenohet proçesi i integrimit

28 Tetor 2017, 12:50, Aktualitet CNA

Kryetari i Kuvendit, Gramoz Ruçi, mori  pjesë në Konferencën e 8-të të Kryetarëve të Parlamenteve të vendeve të Ballkanit Perëndimor, për Çështjet e Sigurisë

Në kuadër të punimeve të Konferencës së 8-të të Kryetarëve të Parlamenteve të vendeve të Ballkanit Perëndimor, Kryetari i Kuvendit, z. Gramoz Ruçi mbajti një fjalë në sesionin e dytë të konferencës me temë ?Dimensioni i Sigurisë së Bashkëpunimit të Ballkanit Perëndimor: Kontribut në Stabilitetin e Evropës?.

Kryetari i Kuvendit, z. Gramoz Ruçi u shpreh se  për t?u bërë ballë krizave dhe sfidave të sigurisë sot procesi i integrimit nuk duhet të frenohet apo ngadalësohet

Kryetari i Kuvendit, z. Ruçi bëri një panoramë të ndryshimeve dramatike në Evropë sa i takon paqes publike dhe sigurisë, për shkak të akteve  terroriste të frymëzuara nga ekstremizmi i dhunshëm, por edhe nga valët migratore. Në këtë kontekst, Kryetari i Kuvendit nënvizoi se ?bashkërendimi ndërkombëtar, bashkëpunimi i ngushtë, i detajuar, i vijuar dhe efikas shumëpalësh, përfshirë atë rajonal për të bashkërenduar përpjekjet kundër të gjithë spektrit të sfidave të sigurisë është parësor?.

Në fjalën e tij, Kryetari i Kuvendit vuri në dukje faktin se Shqipëria, përpos masave ligjore dhe politikave sociale të brendshme, është fokusuar maksimalisht për të promovuar dhe nxitur bashkëpunimin rajonal në çështjet e sigurisë. ?Pikërisht për t?u bërë ballë krizave dhe sfidave të sigurisë me të cilat po përballemi sot, procesi i integrimit nuk duhet të frenohet apo ngadalësohet?, ? theksoi Kryetari i Kuvendit, z. Ruçi./ CityNews





Lajmet e fundit nga