web counter
LEXO PA REKLAMA!

SHKARKO APP

App Store
Google Play

Akuzat e SHKB qesharake/ Të merren të pandehur ata që arrestuan Zaganin

28 Tetor 2017, 10:29, Aktualitet CNA

Në një dalje për mediat, kreu i PD, Lulzim Basha është shprehur se ish-shefi i Antidrogës, Dritan Zagani kishte të drejtë në çdo gjë që ka deklaruar dhe se duhet të arrestohen ata që e arrestuan atë, për montim akuzash në mbështetje të krimit.

Sipas Bashës, rama duhej ti çonte në prokurori këta punonjës, por ai nuk e bën sepse ka frikë nga e vërteta.

Dritan Zagani nuk ka qenë kurrë i dënuar nga krimet e rënda. Edi Rama dje gënjeu drejtpërdrejt para miliona shqiptarëve.

?Tahiri e arrestoi Zaganin sepse ai nuk heshti por guxoi, ngriti zërin dhe hetoi lidhjet kriminale Tahiri-Habilaj. Sipas kodit mafioz të hakmarrjes kundër atij që flet, Edi Rama dhe Saimir Tahiri kërkuan ta bënin shembull Zaganin për t?i treguar çdo kujt se çfarë i pret nëse flasin.

Por akuzat qesharake të montuara nga Shërbimi i Kontrollit të Brendshëm, një drejtori e Ministrisë së Brendshme nën urdhrat e Tahirit, nuk dhanë asnjë rezultat megjithë presionin e madh që Rama dhe Tahiri ushtruan.

Punonjësit e shërbimit të kontrollit të Ministrisë që arrestuan Zaganin duhet të hetohen dhe të merren të pandehur për montim akuzash dhe konspiracion në mbështetje të krimit. Këtë duhet të bënte Edi Rama, të çonte këta punonjës në prokurori.?- deklaroi Basha./ CityNews





Lajmet e fundit nga