web counter
LEXO PA REKLAMA!

SHKARKO APP

App Store
Google Play

Një ish-ministër i huaj i përfshirë në trafikun e heroinës dhe kokainës

26 Tetor 2017, 15:45, Aktualitet CNA

Ish-efektivi i Antidrogës së Fierit, Antonio Nazeraj, gjatë një interviste për “Gazeta Shqiptare”, ka bërë një deklaratë tjetër të fortë, ku shprehej se në trafikun e drogës nuk ishin të përfshirë vetëm krerët e policisë, por edhe ish-ministra të huaj.

Sipas Nazerajt, një ish-ministër nga Amerika Latine, ishte i përfshirë në trafikun e kokainës nga Brazili apo Kili për në vendin tonë, nga ku bëhej edhe shpërndarja e saj.

“Gjatë hetimit që kemi pasur për një trafik droge kokainë, që vinte nga Brazili në këtë episod ishte përfshirë dhe një shtetas nga Amerika Latine, nga Kili apo Brazili, më duket një ish-ministër, i cili ishte përfshirë në trafik droge dhe erdhi në Fier pasi ka pasur një ftesë nga ish-kryetari bashkisë në atë kohë, për planin e rregullimit të qytetit të Fierit, sipas informacionit që morëm në bashki, por, sipas hetimit tonë, ishte i përfshirë në trafikun e kokainës që vinte nga Brazili në Shqipëri dhe në Fier. Ky person ka pas bashkëpunim me disa persona që ne kemi pasur në hetim për trafikun e kokainës si dhe një grup kriminal të mirorganizuar në qytetin e Vlorës.”, – shprehet Nazeraj.

Sipas tij bosat e drogës korruptonin krerët e lartë të Policisë së Shtetit dhe gjykatën, pasi herë pas here ka pasur edhe pengmarrje dhe vrasje.

“Pengmarrje e vrasje ka pasur, por këta, kohë pas kohe, kanë korruptuar gjykatën dhe policinë, por dhe krerët e lartë të Policisë së Shtetit”, – shtoi Nazeraj. /CityNews





Lajmet e fundit nga