E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Artan Hoxha zbulon kush është “Il grande capo” në përgjimet e Habilajve

25 Tetor 2017, 11:18, Aktualitet CNA

Në një postim në rrjetet sociale, gazetari Artan Hoxha, ka zbuluar se cili është personazhi kryesor i dosjes Habilaj i cili përmendet si ?Il grande capo? .

Në dosjen prej 416 faqesh të publikuar së fundi nga mediat për trafikun e kanabisit nga Shqipëria drejt Italisë ku janë arrestuar disa pjestarë të bandës së Habilajve, përmenden shumë emra, midis tyre ?Il grande capo? ku sipas Prokurorisë dhe opozitës, pretendohet se ai është ish-ministri i Brendshëm Saimir Tahiri. Artan Hoxha ka një tjetër version, sipas tij ?Il grande kapo? është ?Djali i kryeministrit? personazhi në dosjen ?kokaina? të vitit 2001 ku u arrestuan disa funksionarë të Prokurorisë së Përgjithshme.

Në foton e parë gazetari i kronikës Artan Hoxha kujton ngjarjen e vitit 2001, trafikun e kokainës dhe ?Djalin e kryeministrit?, ai shkruan: ?Në foto 1)- Viti 2001 me kolegun Basir Collaku në zyrën e redaksisë së kronikës, Gazeta Shekulli.

Me sa kujtoj në atë kohë po merreshim me një histori trafiku kokaine nga Kolumbia në Shqipëri, ku ishin implikuar funksionarë të rëndësishëm të Prokurorisë së Përgjithshme dhe qeverisë.

Personazhi kryesor që kërkonim, identifikohej me emrin e koduar “Djali i Kryeministrit”, komenton Hoxha.

Në atë kohë mediat raportonin se një personazh me emrin ?Djali i kryeministrit?, ishte pjesë e një trafiku ndërkombëtar droge, të cilët në atë kohë u akuzuan si organizatorë të trafikut të 6 ton kokainë nga Kolumbia. Në akuza u përfshinë zyrtarë të lartë të Prokurorisë. Akuza pati për Prokurorin e Përgjithshëm, Arben Rakipi dhe u arrestua Sokol Koçiu, Frederik Durda dhe Arben Përballa si organizatorë të tentativës për të trafikuar 6 ton kokainë.

Më tej duke ju drejtuar Basir Çollakut, gazetarit dhe kolegut që intervistoi dy vite më parë ish-komisarin e policisë Dritan Zagani, i cili në një intervistë akuzoi ministrin e atëhershëm të Brendshëm për lidhje me banden e Habilajve.

Sipas Zaganit, kjo bandë përdorte makinën private të ministrit për trafik ndërkombëtar droge. Hoxha shkruan se dy ngjarjet kanë lidhje me njëra tjetrën.

Ai shkruan: Në foton 2, 17 tetor 2017, në studion e Top Story me Sokol Ballën dhe serish me kolegun Basir Collaku, pas 16 vitesh. Këtë radhe duke folur për dosjen Habilaj, mbrëmjen kur u denoncua kjo çështje dhe Prokuroria për Krime të Rënda filloi hetimin për ish-ministrin Tahiri. Personazhi kryesor që po kërkojmë identifikohet me emrin e koduar “Il grande capo”.

Basir Collaku me gjej 3 gjëra të përbashkëta mes dy fotove?./CityNews