web counter
LEXO PA REKLAMA!

SHKARKO APP

App Store
Google Play

Raporti i fortë i KLSH/ Një mijë punonjës të administratës shkaktuan 750 milionë euro dëm ekonomik

25 Tetor 2017, 09:19, Aktualitet CNA

Buletini i tretë statistikor i vitit 2017, përmbledh rezultatet e të gjitha auditimeve të kryera nga Kontrolli i Lartë i Shtetit në periudhën Janar – Shtator 2017.

Në këtë buletin përfshihen, dëmi ekonomik i konstatuar, të ardhurat e munguara dhe shpenzimet e kryera jo në përputhje me parimet e efektivitetit, eficiencës dhe ekonomicitetit, masat disiplinore dhe administrative të rekomanduara, rekomandime për ndryshime apo përmirësim të legjislacionit si edhe kallëzimet penale të përcjella në Prokurori.

Bazuar në Ligjin nr. 154, ?Për Organizimin dhe Funksionimin e Kontrollit të Lartë të Shtetit?, KLSH, për të metat dhe shkeljet e konstatuara ka adresuar rekomandimet për masat disiplinore dhe administrative, subjekteve të audituara dhe ka bërë publike rezultatet e auditimeve në median e shkruar dhe atë elektronike.

KLSH ka konstatuar një dëm ekonomik rreth 750 milionë euro. Për këtë institucioni ka bërë një sërë rekomandimesh për ndryshime ligjore por edhe masa administrative për personat që e kanë shkaktuar.

Gjithashtu, për shkeljet e konstatuara në bazë të ligjit ?Për nëpunësin civil?, KLSH u ka kërkuar organeve respektive shqyrtimin dhe marrjen e 1014 masave disiplinore dhe administrative ndërkohë që subjektet kanë pranuar 332

Për periudhën janar-shtator 2017 KLSH ka depozituar në organet e Prokurorisë 29 kallëzime penale, nga të cilat 10 dosje për vlerësim. Numri i personave të kallëzuar penalisht në këto kallëzime penale arrin në 83./CityNews

 





Lajmet e fundit nga