web counter
LEXO PA REKLAMA!

SHKARKO APP

App Store
Google Play

BE alarm për pastrimin e parave në Shqipëri/ Grup ekspertësh në Tiranë

24 Tetor 2017, 09:20, Aktualitet CNA

Bashkimi Europian ka nisur të marrë masa sa i takon pastrimit të parave në vendin tonë.

Ndërkombëtarët janë vënë në lëvizje për të përgatitur të gjithë terrenin e nevojshëm për të goditur korrupsionin në nivele të larta.

Këshilli i Europës do të dërgojë në Tiranë një grup ekspertësh të cilët do të zhvillojnë seminare dhe trajnime pikërisht për të frenuar parandalimin e parave dhe për të sekuestruar pasuritë e vëna nga aktivitetet kriminale, shkruan gazeta SOT.

Seminari do të mbulojë çështje si fleksibiliteti i provave për dënimet e pastrimit të parave, masa e ndjekjeve penale për çështje të specifikave të ndryshme, përdorimi i  qasjes së zgjeruar të konfiskimeve si një masë kundër aktivitetit të krimit të organizuar, dhe prezantimi i standarteve kombëtar dhe europiane për sekuestrimin pa dënim penal.

Dokumenti teknik i analizës së kuadrit ligjor dhe rekomandimet përforcuese janë zhvilluar nga një ekspert i Këshillit të Europës.

Dokumenti do të prezantojë zbulimet e tij gjatë seminarit. Ky aktivitet do të ndiqet nga trajnimet e gjykatësve e prokurorëve për shtimin e kapaciteteve të tyre në ndjekjen penale dhe konfiskimin e të ardhurave nga krimet.





Lajmet e fundit nga