web counter
LEXO PA REKLAMA!

SHKARKO APP

App Store
Google Play

E fundit!

x

Nga Artur AJAZI/ Lulin nuk e shpëton dot arrestimi i Saimirit

21 Tetor 2017, 12:41, Aktualitet CNA

Luli është turrur në orvajtjen e fundit të tij, për të fituar disa kredenciale të reja në kampin e tij politik të mbetur bosh. duke thirrur ( me lutje) Monikën e LSI, Koçon e Zgjidhjes dhe ndonjë opozitar të lodhur. Luli ka dështuar sërish në misionin e tij,  kësaj here duke ndërsyer së fundi edhe treshen e prokurorëve tropojanë.

Duke menduar se ?duke arrestuar Sajmirin  do të arrij shumë shpejt tek Rama?, Luli i ka bërë edhe kësaj here hesapin gabim. Nxitimi Lulit për të thirrur  në SHQUP, pas Monikës së Ilirit edhe krerët e degëve të PD në rrethe, tregon se ai e ka punën keq. Kjo pasi Luli ka zgjedhur njerëzit e gabuar në kohën e gabuar, ka zgjedhur kryetaren e LSI (një parti e damkosur nga korrupsioni në 8 vjet qeverisje) për ta ndihmuar në arrestimin e Sajmirit, duke u dhënë urdhër atyre që ai  akoma i konsideron ?kryetarët e PD në rrethe? të rrisin bashkëpunimin me partinë e Monikës.

Situata qesharake dhe të pështira, tek shikon tek selia PD ?miqtë? e fundit të Lulit tek vijnë , mblidhen dhe marrin kurajon edhe të japin deklarata mediatike ku ?kërkojnë arrestimin e Sajmirit dhe largimin e Ramës, si e keqja e këtij vendi, zgjedhje të parakohshme?. Për të qeshur e për tu tallur.

Shqiptarët i njohin mirë ata që sot mblidhen dhe përpiqen ti mbushin mëndjen atyre se ?ne jemi opozita më e ndershme, ne jemi shpëtimi fateve të vendit, ne jemi  kundër bandave dhe trafiqeve?, i njohin mirë ata që në 8 vite qeverisje, sa majtas dhe djathtas,  zhvatën dhe mbushën thasët me milionat e tansapaguesve dhe deri me floririn e Krrabës, i njohin mirë ata që zhvatën paratë e rrugëve dhe autostradave të vendit, ata që me milionat e vjedhura blenë zgjedhjet e fundit dhe të parafundit lokale.

Orvatja e fundit e Lulit për të gjetur shpëtimin tek Monika dhe Koçua, apo tek treshja e prokurorëve të Llallës, si dhe krerët e PD-ve në rrethe (kur degë në rrethe nuk ka prej 5 vitesh) mbetet dështimi dhe bllofi  i tij i rradhës Luli e ka patur  ëndërr  arrestimin e Sajmirit  dhe Ramës, për të qenë ai ?kryeministri ekonomisë?, apo për të ?qeverisur me duar të pastra?.

Dalja në publik i problemit të ish-ministrit të Brëndshëm, është dukur si një ?kamardare shpëtimi? për pozitat e Lulit brënda PD, duke shfrytëzuar rastin për të afruar dhe thirrur në SHQUP përfaqësuesit e lodhur dhe të pabesueshëm të asaj q ai e quan ?opozita shqiptare?. Madje Luli ka kërkuar thirrjen urgjente të Komisionit të Mandateve për tja hequr Sajmirit atë, dhe për ti hapur rrugën Adriatik Llallës për arrestimin.

Ishte koha kur Luli i kërkoi Llallës  ti bënte shërbimin e rradhës, për të fituar disa ?kredite? politike në momentin kur gjithçka i është kthyer kundra në PD. Por Lulin nuk e ndihmon,  dhe as nuk e legjitimon  kryetar PD as Llalla, as treshja e prokurorëve nga Tropoja, dhe aq më keq as arrestimi Sajmir Tahirit. Lulin nuk e rehabiliton  politikisht dhe as nuk legjitimon  si kryetar PD, as shashka e tij se ?një IT po pastron labtopin  dhe celularin e Sajmirit?, ashtu siç u veprua nga IT e Kryeministrisë pas 21 janarit.

Orvatjet e Lulit për të mbledhur dhe zbuluar ?opozitarë? dhe për të krijuar ?front të përbashkët opozitar? ku të mundet, për të zbuluar pastruesit e laptopit dhe celularit  të ish-ministrit, apo për të kërkuar ?largimin e Ramës e zgjedhje të parakohshme? tregojnë se modeli i tij politik, është i dështuar. Luli nuk mund ta krijojë  kurrë profilin e tij politik si lider. Ai nuk mund të jetë kurrë një drejtues opozite, aq më tepër i ndonjë ?fronti të përbashkët opozitar?, kur dihet se besueshmëria  ndaj tij  në PD është pothuajse zero, ashtu siç është zero edhe ndaj atyre që në 8 vjet  qeverisën me Berishën dhe Ramës, duke qenë të damkosur si pjella e korrupsionit dhe shkatërrimtarë  të institucioneve të shtetit. Ashtu siç nuk besojnë Lulin, shqiptarët nuk mund ti besojnë kurrë  as Monikës, që  në 8 vjet qeverisi majtas e djathtas duke i kthyer në biznes postet e ministrave dhe drejtorëve, që sot janë me dosje në prokurori./ CityNews





Lajmet e fundit nga