web counter
LEXO PA REKLAMA!

SHKARKO APP

App Store
Google Play

Tahiri akuzon PD/ Keni blerë Dritan Zaganin, i dhuruat tokë në Orikum

21 Tetor 2017, 10:34, Aktualitet CNA

Pasi deputeti demokrat Eduard Halimi në mbledhjen e Këshillit të Mandateve, ka përmendur emrin e Dritan Zaganit, duke i kërkuar llogari Saimir Tahirit për akuzat ndaj tij dhe Habilajve dhe pse nuk ka reaguar ai.

Saimir Tahiri i është kundërpërgjigjur me akuza, ku sipas tij i kanë dhuruar toka në Orikum Dritan Zaganit nga Tropoja.

Deputeti Halimi i drejtoi disa pyetje Tahirit, ku ndër të tjera theksoi se nëse do dëgjohej Zagani, nuk do ishte trafikuar drogë.

?Komisar Dritan Zagani ka pasur një betejë në bandën kriminale të Habilajve dhe Rama e quajti zagar.

Ju nuk çuat policinë në derën e familjes Habilaj. Sot ato që tha komisar Zagani dolën të vërteta.

Nëse ju do kishit mbajtur anën e Zaganit familja Habilaj sot nuk do kishte trafikuar drogë e armë.

Si ish- ministër i Brendshëm deklarohej fajtor apo i pafajshëm që për shkakun tuaj familja Habilaj për 2 vite trafikoi armë dhe drogë?, tha Halimi.

Por, Tahiri ka akuzuar Halimin, se qeveria e PD-së i ka dhuruar pronë në Orikum në mënyrë të dyshimtë këtij personi.

?Ju më përmendni Dritan Zaganin.

Më thoni ju, pse i keni dhuruar atij tokë në Orikum, e keni blerë?

Nga Tropoja i keni dhënë tokë në Orikum, me vendim nga Këshilli i Ministrave.

Me cilin argument ia keni dhënë atë pronë, për ta blerë?

Ky është standarti juaj?, tha Tahiri.

Pas këtyre akuzave, Halimi nuk ka folur më./ CityNews





Lajmet e fundit nga