web counter
LEXO PA REKLAMA!

SHKARKO APP

App Store
Google Play

E fundit!

x

Mbyllet marrëveshja me Donald Lu/ Ja roli i agjentëve të FBI në Shqipëri

21 Tetor 2017, 09:16, Aktualitet CNA

Aktualisht Shqipëria ka arritur një marrëveshje me SHBA, sipas së cilës agjentët e FBI do të japin asistencën e tyre duke trajnuar prokurorët dhe policët, si dhe do të sjellin pajisje të teknologjisë më të fundit për Byronë kombëtare të hetimit.

Kujtojmë se asistenca e FBI do të bazohet mbi një marrëveshjje, e cila u arrit me ambasadorin Lu nga Saimir Tahiri, në kohën kur ky i fundit ishte ministër i Brendshëm.

Programi për zhvillimin e sektorit të drejtësisë penale do të sigurojë asistencë për institucionet kryesore të Shqipërisë, zyrtarët e antikorrupsionit dhe agjencitë mbështetëse për të forcuar kapacitetin e Shqipërisë për të luftuar të gjitha format e krimit, në veçanti duke u fokusuar në përmirësimin e efektivitetit dhe cilësisë së procedimeve penale dhe forcimin institucional në këtë kuadër.

Sipas kësaj marrëveshje, SHBA do të ofrojë asistencë në 5 fusha kryesore.

E para është rritja e kapaciteteve në luftën ndaj korrupsionit dhe krimit të organizuar.

Së dyti do të jepet asistencë në zhvillimin e drejtësisë penale dhe përmirësimin e legjislacionit.

Së treti do të jepet ndihmë që gjyqet ndaj zyrtarëve të korruptuar të mbyllen sa më shpejt dhe të mos ketë më zvarritje.

Së katërti do të jepet asistencë për të rritur aksesin e qytetarëve në drejtësi.

Dhe së pesti do të jepet ndihmë për realizimin e procesit të Vettingut. /CityNews





Lajmet e fundit nga