web counter
LEXO PA REKLAMA!

SHKARKO APP

App Store
Google Play

E fundit!

x

Kreu i Komisionit të Venecias zbarkon në Tiranë/ Ultimatum politikës të nisë Vetingun

21 Tetor 2017, 11:19, Aktualitet CNA

Kreu i Komisionit të Venecias, Gianni Buquicchio ka mbërritur në Tiranë, ku mori pjesë dhe në konferencën e 25 vjetorit të Gjykatës Kushtetuese.

Mësohet se kreu i këtij komisioni ka kërkuar që të nisë me urgjencë zbatimi i Vettingut.

Bëhet e ditur se në kuadër të kësaj vizite kreu i Komisionit të Venecias, Gianni Buquicchio zhvilloi dhe takime me krerët e politikës shqiptare, Presidentin Meta dhe kryeministrin Rama.

Ndërkohë, gjatë takimit që Buquicchio pati me Presidentin Meta, i kërkoi këtij të fundit që të nisë me urgjencë vetingun si dhe të monitorohet zbatimi i reformës.  Ndërsa Presidenti Meta gjatë konferencës së 25 vjetorit të Gjykatës Kushtetuese i shprehu gatishmërinë kreut të Komisionit të Venecias Gianni Buquicchio, se reforma do të vazhdojë, si dhe nënvizoi se dhe gjyqtarët e Gjykatës Kushtetuese do t?i nënshtrohen procesit të vetingut

Kreu i Komisionit të Venecias Gianni Buquicchio, përveç takimit me Presidentin Meta, pati dhe një takim me kryeministrin Rama në konferencën e 25 vjetorit të Gjykatës Kushtetuese. Madje, kryeministri Rama, gjatë fjalës së tij, e vlerësoi punën e Buquicchios, si dhe nënvizoi se pavarësisht rrugës së vështirë që po përballet reforma në drejtësi, kjo reformë do të zbatohet. / CityNews





Lajmet e fundit nga