web counter
LEXO PA REKLAMA!

SHKARKO APP

App Store
Google Play

E fundit!

x

Bien “provat sekrete” të Prokurorisë, Saimiri i përgjimeve italiane është një shofer kamioni

20 Tetor 2017, 16:25, Aktualitet CNA

Prokuroria ka dështuar në mënyrë të turpshme në argumentimin e propave që pretendon se ka kundër Saimir Tahirit.

Në seancën me dyer të mbyllura në Këshillin e Kuvendit, si provë është paraqitur një përgjim për Saimir Tahirin, por që në fakt bëhet fjalë për një Saimir tjetër.

Në përgjime flitet për një Saimir që ishte shofer kamioni, dhe që me sa duket bënte transportin e drogës.

Tahiri ka pyetur prokurorin me ironi, ?di gjë të kemi kompani kamionësh. Apo të kem patent kamioni??

Prokurorët nuk kanë kthyer përgjigje.

Si përfundim, ata nuk kanë argumentuar dot akuzat, duke dështuar kështu të argumentojnë kërkesën për heqjen e imunitetit të Saimir Tahirit, pasi kanë shkuar të papërgatitur për të mbrojtur akuzat ndaj Tahirit.

Burime nga mbledhja e Këshillit të Mandateve thanë se prokurorët nuk kanë paraqitur asnjë provë shtesë para deputetëve për kërkesën për arrestimin e Saimir Tahirit, në mbledhjen me dyer të mbyllura që kërkuan.

Sipas burimeve, prokurorët kanë deklaruar se baza për kërkesën për arrestimin e Tahirit është dosja italiane e përgjimeve me 416 faqe.

Edhe në përfundim të mbledhjes me dyer të mbyllura, deputeti i PS, Çuçi deklaroi më pas në mbledhjen e hapur për publikun se prokurorët nuk paraqitën asgjë të re.

Gjithsesi, Këshilli i Mandateve do të mblidhet sërish ditën e nesërme.

Me shpresë që këtë radhë prokurorët do të kenë prova më serioze se ato që paraqiten ditën e sotme. /Gazetatema.net





Lajmet e fundit nga