web counter
LEXO PA REKLAMA!

SHKARKO APP

App Store
Google Play

E fundit!

x

Vasili publikon mesazhin e zv.ministrit për Tahirin/ Rama përgjegjës për drogën dhe krimin

19 Tetor 2017, 07:38, Aktualitet CNA

Kryetari i grupit parlamentar të Lëvizjes Socialiste për Integrim, Petrit Vasili në një postim në rrjetet sociale, ka akuzuar kryeministrin se bën ?gjoja? nga përgjimet shokuese të publikuara ditët e fundit.

Sipas Vasilit, vetë kreu i qeverisë është frymëzuesi kryesor i gjithçkaje në lidhjet me drogën e krimin.

Në postimin e tij, Vasili ka publikuar një mesazh që ish-zv/ministri i Brendshëm, Ilir Marko më 22 qershor i ka dërguar Saimir Tahirit.

Kujtojmë këtu se ish-zv/ministri i Brendshëm, Ilir Marko është shkarkuar nga Rama,  vetëm dy orë pas publikimit të një mesazhi telefonik, ku Ilir Marko i përgjigjej Saimir Tahirit për një akuzë personale.

Postimi i plotë i Vasilit:

Për të gjithë ata që kanë “harruar” edhe për ata që bëjnë sot sikur “harrojnë”.

Ky kryeministri që bën sot si i shokuar nga përgjimet që u bënë publike për ish ministrin e tij është qartësisht frymëzuesi dhe mbështetesi kryesor i gjithshkaje që ka ndodhur dhe ndodh me trafiqet dhe krimin e organizuar.

E shkarkonte zv.ministrin ne ate kohe se tha te verteta te hidhura. Lexojini vete te nderuar qytetare, gazetare, analiste, politikane dhe kushdo i interesuar.

Po ju riprodhoj lajmin sic media e kohes e ka percjelle:

Vetëm dy orë pas publikimit të një mesazhi telefonik, ku zëvendësministri i Brendshëm, Ilir Marko i përgjigjej Saimir Tahirit për një akuzë personale, Kryeministri Edi Rama shkarkon Zv/Ministrin

Në motivacionin e shkarkimit të firmosur nga Kryeministri, thuhet: ?Për shkelje të papranueshme të etikës zyrtare, në papajtueshmëri të plotë me detyrën e lartë që kryen dhe në shkelje të normave më elementare të komunikimit publik, urdhëroj shkarkimin nga posti i zv.ministrit të punëve të brendshme z.Ilir Marko?.

Ky ishte mesazhi qe ish zv.ministri Marko i dergonte Saimir Tahirit ne 22 qershor:

“Nuk ishte e nevojshme të të përgjoja ty,more i mjerë, sepse atë punë e bënin shërbime të specializuara, që pasi u bindën për bëmat e tua, rekomanduan shkarkimin tënd. Sepse, nëse nuk do të ishe shkarkuar raportet e ndërkombëtarëve do të nxiheshin nga emri jot!?. Nuk do ta jap kënaqësinë e tërheqjes së vëmnendjes drejt teje, duke replikuar me ty sepse një i mbaruar si puna jote këtë do.

Por, po do shpjegim për shkarkimin tënd, pyet shefin tënd për letrën me ultimatum që ka ardhur nga partnerët ndërkombëtarë. Kështu që mos më provoke mua sepse edhe 1% shans që të ka ngelur për të vazhduar në politikë. Bën mirë të mos ta rrezikosh?./ CityNews





Lajmet e fundit nga