web counter
LEXO PA REKLAMA!

SHKARKO APP

App Store
Google Play

Thikë nga nipi/ Ndërron jetë në spital gjyshi 80-vjeçar

19 Tetor 2017, 07:08, Aktualitet CNA

80-vjeçari Shaban Agaj, i cili një javë më parë u godit me thikë nga nipi i tij, në zonën e Freskut ka ndërruar jetë në spitalin e Traumës në Tiranë.

Mësohet se i moshuari qëndroi 6 ditë në terapi intensive në reanimacion, ku shfaqi komplikacione duke mos arritur t?u mbijetojë plagëve të marra pasi u qëllua më thikë nga nipi i tij.

Ndërsa bashkëshortja e tij, Hajrie Agaj, e cila po ashtu u plagos në të njëjtën kohë nga djali i vajzës, sipas mjekëve e ka kaluar rrezikun për jetën.

I riu që plagosi me thikë gjyshen e gjyshin më 12 tetor, sipas Policisë njihet si person problematik në zonë, kryesisht për shkak të përdorimit të lëndëve narkotike. Madje, burimet thanë se nuk përjashtohet mundësia që ai të ketë qenë nën efektin e drogës, kur ka goditur me thikë prindërit e nënës së tij.

Beniamin Kaso jetonte me të ëmën në Gjermani, që pas divorcit të prindërve të tij, por herë pas here shkonte edhe te gjyshërit, që jetonin te rruga ?Muhamet Deliu?, ku ndodhi ngjarja. Rreth orës 13:00, ai ka debatuar ashpër me gjyshërit në apartamentin ku ata banonin, debat që është dëgjuar edhe nga fqinjët.

Më pas i ka goditur të dy me thikë dhe ka dalë me shpejtësi nga shtëpia, duke u kërkuar disa personave që të lajmëronin Policinë.

Nisur nga këto rrethana, tashmë ka ndryshuar edhe akuza për autorin e krimit në familje, 19-vjeçarin Beniamin Kaso, që u arrestua menjëherë pas ngjarjes. Tashmë ai akuzohet për ?vrasje për shkak të marrëdhënieve familjare?./ CityNews





Lajmet e fundit nga