E fundit!

14:34 Aktualitet

Kërcënim për sigurinë kombëtare/ Ikballe Berisha shpallet “non grata” në Shqipëri

Ministri i Brendshëm Besfort Lamallari ka nxjerrë urdhrin ...

Familjari i një tjetër deputeti mavi nën shenjëstrën e Financës Italiane

19 Tetor 2017, 18:28, Aktualitet CNA

?Kanarinat? e GDF-it Italian pasi ia bënë gropën ish ministrit Tahiri kanë vënë në shenjestër një tjetër deputet mavi shqiptar. Financierët italianë në kuadrin e operacionit antimafie të quajtur ?Caronte? lëshuan urdhëra arresti për 26 persona, italianë, shqiptarë, grekë e malazezë me akuzën e krijimit të një organizate të tipit mafioz të finalizuar në trafikun masiv të klandestinëve. Shumica e anëtarve të kësaj bande të strukturuar kriminale multinacionale ishin ish kontrabandistë cigaresh të kohës së Dullës të Kalatës zero në Portin e Durrësit apo edhe të kohës së Gjukanovicit nga Porti i Zhelenikës. Banda përdorte velierë (kaike) dhe jahte për të futur si klandestinë në Itali, sirianë, irakenë, somalezë kundrejt pagesës minimale prej 4500 eurosh. Mafiozët italianë të paktën në dy raste madje kanë marrë pjesë në ankandet e Rojës së Finacës Italiane për shitje motovedetash dhe skafesh të konsideruara surplus e më pas nëpërmjet një kompanie të regjistruar në Shqipërin të quajtur ?Tecno Marine Service VL? me NIPT L46628202G (adresa L. 1 Maji, Rruga e Portit, Ndërtesa Nr.22, pranë drejtorisë së Portit Vlorë), në pronësi të Marco Calo-s, djalit të mafiozit famëkeq Kozimo Kalo (Cosimo Calo), si edhe të vlonjatit Petrit Sherifaj (i datëlindjes 1962, i dërgonin ato në Mal të Zi, ku i shisnin me të shtrenjtë apo i transformonin në mjete për trafik klandestinësh.

Në Itali u arrestuan Cosimo Calo, Antonio Masaro, Cosimo Masaro, Francesco Calamo, Giovanni Carabotti, Antonio Natola. U shpallën në kërkim 6 italianë pjesëtarë të kësaj bande rezidentë me dokumente të rregullta në Shqipëri dhe Greqi. Personat e shpallur në kërkim janë edhe greku Dimitrios Chsalkias i quajtur ?Mico? me vendbanim në Prevezë, irakeni Aso Ismail i mbiquajtur ?Jani? banues në Galaxia Acti, Greqi, Giovanni Maiorano, Giovanni Marciano, Antoni Prudentino. Persona nën hetim janë edhe shtetasit malazezë: Nedelko Banicevic, Predrag Franovic, Zoran Vlahovic si edhe shtetasit italianë: Giuseppe Carone, Giuseppe Galantino, Antonio Melacca dhe Silvio Pantano.

Disa nga mafiozët italianë anëtarë të kësaj organizate kriminale strehohen në Shqipëri dhe gëzojnë përkrahjen kundrejt pagesës nga oficerë të ndryshëm të policisë shqiptare (Vlorë) si edhe nga shefa të kapitanerisë së porteve, shefa këta, të cilët kanë mbështetje politike si familjarë të deputetëvë (një deputeti) të partisë së kryeminsitrit Edi Rama në pushtet në Shqipëri. Arrestimet dhe urdhërat ndërkombëtarë të arrestit të partnerëve italianë pa pikë dyshimi, që do jenë si ?aftershocks?, pas ?tërmetit? katastrofal Tahiri! Kësaj rradhe kryeministri Edvin edhe nën efektin e ?overdozës? Tahiri me patjetër do të djegë të tjerë policë e oficerë kapitanerie porti e ndoshta edhe ndonjë deputet mavi duke zbatuar me cinizëm parimin e Nastradin Hoxhës: Larg b? time!

GJERGJ THANASI