E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Reagon ish-ministri/ Jetojmë në kohë tjetër, nuk na duhet një Kadri Hazbi

19 Tetor 2017, 15:03, Aktualitet CNA

Pas ndodhive të ditëve të fundit ku kryefjalë e ditës ka qenë çështja e Saimir Tahirit dhe përfshirja e tij në bandat e drogës e krimit ka ardhur dhe reagimi i Ylli Manjanit.

Në një postim në rrjetet sociale, ish-ministri i drejtësisë, Ylli Manjani, ka reaguar duke e quajtur poshtërsi që duhet ndalur, sugjerimin për burgosje të Saimir Tahirit,nga ana e Ramës, nën pretendimin se po ndodh e njëjta gjë si me gjyqin e Kadri Hazbiut, ish të përndjekurit politik.

?Nuk na duhet një Kadri Hazbi…
Edi Rama na sugjeron se ?është Ai që ka vendosur burgosjen e Sajmirit?. Nëse vërtetë është kështu duhet ndalur kjo poshtërsi! Është e ngjashme me gjyqin politik të Kadri Hazbiut!

Akuza, arresti, kontrolli i banesës apo edhe gjykimi e dënimi/pafajësia, në shoqërinë demokratike janë çështje ekskluzive të drejtësisë, jo të qeverisë!

Drejtësia nuk mund të jetë larje hesapesh ndërmjet politikanësh! Ajo i shërben publikut për të vendosur sundimin e ligjit për të gjithë njësoj. Drejtësia është vendi ku të vërtetat dalin me prova jo me llafe!

Publikut i intereson të dijë se si u kanabizua i gjithë vendi? Kush urdhëroi zbatimin e ketij projekti? Kush u mor me te? Kush perfitoi dhe sa?

Dua të besoj se Prokuroria e ndihmuar dhe nga institucione te huaja, po e trajton kështu këtë çështje! Dua të besoj se ajo që sugjeron Rama, se është Ai që po ja fut Sajmirit, është gënjeshtër e një keqbërësi të kapur në flagrancë!

Arsye për ta besuar këtë ka plot, por kryesorja është se grupi kriminal u arrestua nga Italianet dhe droga e sekuestruar mbreme u bë pa dijenine e policisë që do Rama.

Ai është kapur në flagrancë nga opinioni publik, si drejtues i operacionit të kanabizimit për të blerë zgjedhjet!

Mbetet që ta zërë në flagracë edhe drejtësia me fakte e prova!

Ndërkohë shpresoj shumë që Sajmiri të mos jetë Kadri Hazbiu.

Është kohë tjetër kjo që jetojmë…? /CityNews