web counter
LEXO PA REKLAMA!

SHKARKO APP

App Store
Google Play

Ja si e ndryshon karrigia e pushtetit karakterin e njerëzve

19 Tetor 2017, 14:19, Aktualitet CNA

Psikologia Meri Dishnica ka komentuar për ?THE GOOD PSYCHOLOGY? ndryshimin që pësojnë njerëzit e thjeshtë pas marrjes së pushtetit.

Sipas saj njerëzit ndryshojnë qëndrim pasi janë bërë me pushtet, fillojnë bëhen arrogant dhe moskokëçarës.

?Është e çuditshme si pushteti ta shndërron karakterin, aq sa, shumë njerëz, nuk janë të zotë ta përballojnë peshën e karriges, pesha e të cilës kompromentohet nga kush e di çfarë loje te makinacioneve të mendjes njerëzore?, shkruan Dishnica

Sipas saj çudia qëndron tek një lloj sjelljeje grabitqare që shpaloset ashtu, kot e papritur, nën kush e di çfarë magjie kafshërore të karriges të cilës sapo i kanë hipur. Karrigia, një send me katër këmbë, që të manipulon mendimet e të bën po aq grabitqar; aq sa kush ulet aty, duket si i sapozgjuar nga magjia e fjetur, thua se në jetën e mëparshme ka qenë kafshë.

Më tej ajo shkruan se reaksioni tipik është rendja ballkanike drejt vetëshërbimit, fokusimi tek interesi personal dhe pasurimi i menjëhershëm. Në rastin më të keq të bën tepsixhi mediokër, në rastin më të mirë, tepsixhi shkëlqyes.

?Meqë pushteti të hap mendjen dhe zorrën, të zhyt edhe më keq në batakun e pangopjes! Asgjë nuk duket shumë e asgjë nuk të mjafton, aq sa, vazhdimisht, tepsixhinjtë tani politikanë, ia kujtojnë njëri-tjetrit llokmën e dhënë apo të marrë?, shprehet psikologia.

Sipas psikologes është shumë i çuditshëm fakti që suksesi i tjetrit matet nga aftësia për të ?përdorur? më mirë pasuritë publike, nga tigani i nëpunësit të vogël mediokër, tek tepsia e pushtetarëve të pangopur.

?Ah, magjia e karriges! Ndoshta, të grabisësh është trend. Ndoshta, ata e quajnë këtë ambicie. Por, në një univers paralel, karrigia të hap mendjen e të bën të ndihmosh njerëzit, në funksion të detyrës për të cilën je vendosur?, përfundon Dishnica.





Lajmet e fundit nga