web counter
LEXO PA REKLAMA!

SHKARKO APP

App Store
Google Play

Ekskluzive / Në mbrëmje pritet arrestimi i Tahirit

19 Tetor 2017, 15:26, Aktualitet CNA

Publikimi i përgjimeve mes anëtarëve të bandës së drogës me drejtues kushërinjtë e ish-ministrit të Brendshëm Saimir Tahiri, ka bërë që debati politik në vend të nxehet së tepërmi.

Pas hetimeve paraprake Prokuroria e Krimeve të Rënda, vendosi të kërkojë nga Kuvendi heqjen e imuniteti të deputetit dhe arrestimin e Tahirit, për akuzën e “Trafik droge” dhe “Korruspion pasiv ndaj zyrtarëve të lartë”. Ndonëse materialet mësohet se kanë mbërritur në Kuvend, sërish kreu i Kuvendit Gramoz Ruçi, u shpreh se nuk ka ende asnjë kërkesë të tillë zyrtare nga Prokuroria.

Nisur nga situata e krijuar, “CityNews.al”, ka kontaktuar me burime konfidenciale pranë Prokurorisë së Krimeve të Rënda, të cilat thanë, se arrestimi i Tahirit mund të ndodhë në orët e mbrëmjes së sotme.

Pritet që të mblidhet Këshilli i Mandateve dhe Imunitetit, i cili do të vendosë për kërkesën e Prokurorisë, për heqjen e imunitetit të Tahirit, çka do i hapë rrugë Krimeve të Rënda për të vepruar.

Kujtojmë se ish-ministri i Brendshëm, një nga ministrat e preferuar të kryeministrit Rama, përmendet në përgjimet e bisedave mes anëtarëve të bandës së drogës së Habilajve. Ata shprehen në bisedën mes tyre, se fitimi i Tahirit për një muaj shkonte në 5 milionë euro, ndërkohë që atij i duheshin 20 milionë të tilla për fushatën elektorale. /CityNews





Lajmet e fundit nga