web counter
LEXO PA REKLAMA!

SHKARKO APP

App Store
Google Play

Bandat e drogës / Rama në dijeni për 20 milionë eurot e Saimir Tahirit

17 Tetor 2017, 17:43, Aktualitet CNA

Pas publikimit të dosjes kriminale të përgjimeve të bandave kriminale të trafikut ndërkombëtar të drogës, në të cilën ishin të përfshirë kushërinjtë e ish-ministrit të Brendshëm Saimir Tahri, reagoi edhe kryedemokrati Lulzim Basha.

Teksa komentoi parat që në dosje flitet se janë kërkuar dhe marrë nga Tahiri, një herë në një dorë 30 mijë euro, e që fitimi në muaj për të shkonte në 5 milionë euro, por që nuk i mjaftonin se i duheshin 20 milionë për fushatën zgjedhore, Basha tha se nuk është e mundur që ai të ketë bërë në kokë të tij këtë punë.

Sipas Bashës kryeministri Rama ka qenë në dijeni të plotë të këtij aktiviteti kriminal.

“Gjithçka është bërë me dijeninë dhe bekimin e Edi Ramës, që është përfituesi kryesor i parave të drogës së Habilajve. Vetë kriminelët pohojnë në përgjimet e antimafias se për të fituar zgjedhjet janë përdorur miliona euro. Para shqiptarëve, sot, janë provat që tregojnë skemën sesi Edi Rama ka blerë zgjedhjet”, – u shpreh Basha, i cili shtoi se në ditët dhe javët në vijim do të dalin fakte të tjera për ministrat e Edi Ramës. /CityNews





Lajmet e fundit nga